Аҳәынҭқарра Ахада Бадра Гәынбеи Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенкои аҳаирбаӷәаза иаҭааит.

Аԥсни Урыстәылеи рҳәааҿы Аахыҵ Уаԥстәыла Ахада Алан Гаглоев зхадараҿы дыҟоу аделегациа ирԥылеит Жәлар Реизара аиҳабы Лаша Ашәбеи адепутатцәеи.

«Уаҩ иимбац, зеиԥш ҟамлац, иџьашьатәу бызшәоуп - аԥсшәа» - ҳәа иҩуан аҭырқәа ҵарауаҩ, изныкымкәа Аԥсны иаҭаахьаз аныҟәаҩы Евлиа Челеби. Ари ахшыҩҵак саназхәыцуа сара схаҿы иааиуеит «Аԥсышәала шәцәажәала» – ҳәа сышықәсқәа зегьы исаҳауа сҭаацәа ражәақәа.

Ҳхатәы бызшәа аҭоурых ду змоу, ибеиоу, ҽаӡәы ҳиламҩашьо ҳҟазҵо, ҳҿахәы злаҳҳәо мыругоуп. Ҳара ҳхатәы бызшәа абзоурала иаҳҳәоит ҳгәы иҭоу аартны. Уи ҳшьа-ҳда иалоуп, иахьеи уахеи ҳхы иаҳархәоит. Аҩыра анҳамамыз ҳабдуцәа ҿаԥыцла еиқәырханы иахьанӡа иаҳзааргеит абри адоуҳатә мазара. Уи ҳара иахьатәи аҿар аҭакԥхықәра ҳаднаҵоит. Ихьчаны иаҳзааргаз, ҳаргьы иҳахәҭоуп уи ԥхьаҟатәи аԥеиԥш азхәыцра.

Сҭаацәа аԥсышәала исацәажәоит схәыҷаахыс. Ишаадыруа еиԥш, ахатәы бызшәа зегь раԥхьа игылоуп, насгьы иара ахәышҭаараҿоуп иахьышьҭукаауа.