Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
Агазеҭ шьаҭаркуп 1919 ш. февраль 27 азы.
«Апснымедиа» адиректор хада: Џьопуа Р.Р.
Аҭел: +7 (840) 226-89-89
Аелектронтә адрес: apsnymedia@gmail.com
Аԥсны аҵара аминистр Хана Гәынба зхадараҿы дыҟоу аделегациа усутә визитла Нхыҵ-Кавказтәи афедералтә университет иаҭааит.
Аганқәа хшыҩзышьҭра арҭоит ареспубликаҿы абжьаратә ҵара асистема аҿиара иазырхоу ирҿыцу аформат.
Аиԥылараан Нхыҵ-Кавказтәи афедералтә университет анапхгара ишьақәдырӷәӷәеит аусуратә занааҭқәа ркадрқәа разыҟаҵараҿы акомплекстә цхыраара аҟаҵара ишазыхиоу. Абри атәы аанацҳауеит Аԥсны аҵара аминистрра апресс-маҵзура.
Афедералтә университет аԥснытәи аколлеџьқәеи атехникумқәеи рырҵаҩцәа рзанааҭтә дырра аизырҳараҿы ацхыраара ҟарҵоит, иара убас арҵаратә программа ҿыцқәа аус рыдырулоит, аметодикатә цхыраара хшыҩзышьҭра арҭоит.
Аҵара аминистр Хана Гәынба иазгәалҭеит аусеицура астратегиатә ҵакы шамоу.
«Адунеи аҽаԥсахуеит, ҳара иаҳуалуп иааиԥмырҟьаӡакәа апедагогикатә знеишьақәа рырҿыцра. Нхыҵ-Кавказтәи афедералтә университет арҵаратә база шьаҭас иҟаҵаны, ҳарҵаҩцәа рзанааҭтә дырра ахаҭабзиара еизҳап, арҵаратә процесс ҳаамҭазтәи азнеишьақәа алаҳгалап ҳәа ҳгәыӷуеит», - лҳәеит лара.