Ареспублика Аҧсны ажурналистцәа Реидгыла ажурналисттә Еидгылақәа Жәларбжьаратәи Рконфедерациахь Ааҧхьара ҟанаҵеит. Ахәҭакахьала уаҟа иаҳәоит: Хәмз ҵит Аҧсны иаҿагыланы ақырҭцәа агрессиа ианалагаз аҽны инаркны . Уи хықәкы хадас иамоуп аконституциатә шьақәгылашьеи аҧсуаа рҳәынҭқарреи раҧыхра.

Аҧсны иақәмақаруеижьҭеи иахьакәым, иацакәым. Шаҟа ацәа иҭаӡарызеи, шаҟагьы ачҳарызеи ҳ-Аҧсны ҧшӡа рыцҳа?! Убри азоуп иахьа ҳаҷкәынцәа хацәнамырха ақырҭуа фашист иҿагыланы изықәҧо. Иахьагьы афашист исахьа змоу Шеварднаӡеи Надареишвилии иреиҧшу рҩызцәагьы даргьы ргәы иажьоит, убарҭ ауаҩы ишьажәцәа ирыздыруам аҧсуак иҧсы ҭанаҵы Аҧсны аиқәырхаразы хацәнамырха дшықәҧо.

Аҧсадгьыл зхы ақәызҵаз хашҭра рықәӡам Аҧсадгьыл азы зхы иамеигӡаз аҧсуаа рҵеицәа – агәлымҵәахқәа, еснагь ижжаӡа икыду аеҵәа еиҧш ҧсра иқәымкәан рыгәҭа далагылоуп Лыхнытәи арҧыс Сарсаниа Нурбеи Владимир-иҧа

Аибашьра еибашьроуп. Шамахамзар иҟамлаӡац аибашьра аан, абџьар зку ар рыдагьы, аҭаҳмадацәа аҭакәажәцәа, аҳәса, ахәыҷқәа, иара убас аҭоурыхтәи акультуратәи ҭынхақәа ҭамхакәа. Уимоу иҟоуп «аибашьра аан хырҧашьа змам аҭагылазашьа» иазку адунеи жәларбжьаратә конвенциа, хыхь еиқәаҳаҧхьаӡаз агәнаҳарақәа рҳәаақәҵара иазку. Уи адокумент астатиақәак урызхәыцыр аруаҩ аибашьраҵәҟьа даналагылоу афронтаҿы иага шьаус ҟаиҵаргьы, шамахамзар гәыбҕан иҭашьа ыҟамшәа агәаанагара узцәырҵуеит! Иҵабыргыҵәҟьан аибашьра ахьцо афронтаҿы, убас еиҧш аҭагылазаашьақәа…

Август 31 азы имҩаҧысыз Аҧсны Аминистрцәа Реилазаара аилатәараҿы ишьақәырҕәҕәан аинформациатә усеицуразы, аҩнуҵҟатәи аусқәа русбарҭақәа ирыҵаркуа азҵаарақәа рзы електронла аинформациа аимдаразы Аҧсны аиҳабыреи Урыстәылатәи Афедерациа Аиҳабыреи рбжьара аиҿцәажәарақәа рымҩаҧгареи аиқәшаҳаҭра анапаҵаҩреи рзы ақәҵара. Адокумент неигеит аҩнуҵҟатәи аусқәа рминистр Вальтер Быҭәба. Уи инақәыршәаны, Аҧсни Урыстәылеи реизыҟазаашьақәа рганахьала амч змоу жәларбжьаратәи аиқәшаҳаҭрақәа инарҭагӡаны електронла аинформациатә усеицура еиҿкаахоит.

Иҳаҩсыз амзазы Урыстәылатәи Афедерациа аекономикатә рҿиара аминистр Максим Решетников Аҧсны даныҟаз, В.Г.Арӡынба ихьӡ зху Жәларбжьаратәи аҳаиртә баҕәаза «Аҟәа» аҟны иалацәажәан Аҧсны Аҳәынҭқарреи Урыстәылатәи Афедерациеи рыбжьара авиаеимадара аиҭарҿыцразы аусмҩаҧгатәқәа ирынагӡашьоу.