Аԥсныпресс. Аминистрцәа Реилазаара аамҭа кьаҿк иҭагӡоу анапхгаратә хықәкытә программа «2023 шықәсазы Аԥсны имаҷуи ибжьаратәуи аусдкылара адгыларазы Апрограмма» шьақәнарӷәӷәеит. Иарбоу апрограмма инақәыршәаны, имаҷуи ибжьаратәуи аусдкылара асубиектқәа рекономикатә хырҳара ашьҭыхра хықәкыс иҟаҵаны, аҳәынҭқарра аҟынтәи афинанстә цхыраара роулоит, ҳәа адырра ҟанаҵоит Аԥсны аекономика Аминистрра апресс-маҵзура.