Иҭыжьуп Аԥсны ашәҟәыҩҩцәа Реидгыла иатәу ахәыҷтәы журнал «Амцабз» 2025 шықәсазтәи актәи аномер.

Марттәи ажәылара – 32ш.

Ҳаҳҭны-қалақь Аҟәа ирацәан ари арыцхә еиқәаҵәа – март 15-16 иазкыз аусмҩаԥгатәқәа. Уи хацыркын шьыжьнаҵы Ахьӡ-Аԥша ашҭаҿы ашәҭқәа рышьҭаҵарала.

Афотовидеорбара иазку акамера ҿыцқәа аусура иалагоит март 20 инаркны Ареспубликатә мҩаду аҟны, – адырра ҟаиҵеит аҩнуҵҟатәи аусқәа Рминистрра Аҳәынҭавтоинспекциа аусбарҭа аиҳабы Дамеи Аҩӡба.

Асоветтә аԥсуа ҳәынҭқарратә усзуҩ, Аԥсны Асовет мчра ашьақәыргыларазы ақәԥара анапхгаҩцәа ируаӡәкыз Ефрем Ешба диижьҭеи 123 шықәса аҵра аҽны Аҟәа уи игәалашәара ҳаҭыр ақәырҵеит.

Аԥсны аҵара Аминистрреи «Урыстәылатәи ахәыҷтәы-қәыԥштә центри» аусеицуразы аиқәшаҳаҭра рыбжьарҵеит.

В.Г.Арӡынба ихьӡ зху Жәларбжьаратәи аҳаиртә баӷәаза аиҭашьақәыргылара азҵаарақәа ирызку Акоординациатә штаб аилатәара мҩаԥысит март 18 азы.

Март 14 рзы Аԥсны Аминистрцәа Реилазаараҿы имҩаԥысит изаамҭанытәыз аилатәара. Уи аартуа, Аԥсны Аԥыза-министр инапынҵақәа назыгӡо Владимир Делба идирдырит амшхәаԥштә аҿы ишықәгылаз 41 зҵаареи ацхыраагӡақәа ԥшьбеи.

Март 18 азы Аԥсны Аԥыза-министр актәи ихаҭыԥуаҩ инапынҵақәа назыгӡо Џьансыхә Нанба иналукааӡаша аҳәынҭқарратә усзуҩ, ҳаамҭазтәи Аԥсуа ҳәәынҭқарра ашьаҭаркҩы, Аԥсны Аҳәынҭқарра Раԥхьатәи Ахада, Аԥсны Афырхаҵа, «Ахьӡ-Аԥша» аорден I аҩаӡара занашьоу Владислав Арӡынба диижьҭеи 80 шықәса аҵра иазку аиубилеитә усмҩаԥгатәқәа разыҟаҵареи рымҩаԥгареи рзы Аҳәынҭқарратә комиссиа аҩбатәи аилатәара мҩаԥигеит.

Ааԥынреи аԥсҭазаареи

Хәажәкырамза 17 азы Гагра ақалақь Томас Кәакәасқьыр ихьӡ зху Акультуратә хан аҟны имҩаԥысит «Весна: пробуждение» ҳәа хьӡыс измаз, есышықәсатәи асахьацәыргақәҵа.