Асахьаҭыхцәа рдунеи иагәылаԥшыр зҭаху ирзацлеит даҽа цәыргақәҵак. Арҭ амшқәа рзы агалереиа маҷ «Auada» аҟны иаадыртит аҿар рҭыхымҭақәа рцәыргақәҵа.

Аԥсуа литература апатриарх Дырмит Гәлиа ихьӡ зху амҩаду аҿы игылоу, алитература-мемориалтә ҩны-амузеи аиҭашьақәыргылара алагара хҭыс духеит ҳкультуратә ԥсҭазаараҿы.

Урҭ мҩаԥысуеит 95-тәи аиубилеитә сезон аҳәаақәа ирҭагӡаны, жәабранмза 11 инаркны 13-нӡа.

Афотоҭыхыҩ, арежиссиор Ибрагим Ҷкадуа иколлекциа аҟынтәи акиноплакатқәа рцәыргақәҵа аартра мҩаԥысит Ruin Bar аҿы.

Аԥсуа журналистцәа абжьаратәи рабиԥара иаҵанакуаз рхаҭарнак, Аԥсны зҽаԥсазтәыз ажурналист, СССР-и Аԥсни ржурналистцәа Реидгылақәа ирылаз, акыр шықәса инеиԥынкыланы амилаҭтә газеҭ «Аԥсны ҟаԥшь»– «Аԥсны» аредакциаҿы аус зуаз, аредактор хада ихаҭыԥуаҩс иҟаз Владимир Антипа-иԥа Чуаз диижьҭеи 90 шықәса ҵит.