Ноиабр 7 рзы Аминистрцәа Реилазаара аконференцзал аҟны имҩаԥысит Аԥсны амҵәышәымпыл ҿиоижьҭеи 100 шықәса аҵра иазкыз агәырӷьаратә еилатәара.

Аспорт Жәларбжьаратәи акласс азҟаза, Асовет Еидгылеи Европеи рчемпион, «Ахьӡ-Аԥша» аорден II, III аҩаӡарақәа занашьоу Рашь Хәытаба ихь зху зхы иақәиҭу аиқәԥаразы Жәларбжьаратәи атурнир «Гран-при» мҩаԥысит абҵарамза 9-10 рзы Аҟәа.

Фазиль Искандер ихьӡ зху аурыс театр асценаҿ идырбан И.Тургенев иҩымҭа «Отцы и дети» иалху аспектакль. Ахәаԥшцәа есымша изгым ари атеатр актиорцәа ҟазацәа лассы-лассы узеигәырӷьаша дунеи ҭбаак уаздырхынҳәуеит, ус акәхеит аурыс классика иалху аспектакльгьы шымҩаԥысыз.