Инна Аҳашба лпоезиа иақәнагоу ажәа аҳәара уадаҩуп, уи аӡәгьы дилаҩашьаӡом, аҧхьанатә аахыс лхатә ҳәашьа мҧсахӡакәа, есымшааирагьы лҽырҵауло, ганрацәала лҽырҭбаауа дааиуан.

Аҧсуа литература шаҟа доуҳала, ҩныҵҟала иҕәҕәоу аҟара, убри аҟарагьы ихьчам, иуашәшәыроуп: уи ахыҧша, анырра ҳаразкуа абжьырацәара, бжьык анагхалакь – иаразнак ианыҧшуеит, алахь еиқәнаҵоит, ашьара иқәнаҟьоит.

Ҳажәлар аҧеиҧш бзиа шрымоу азы угәаанагара  уеижьом, ашәаҳәара абаҩхатәра иаша злоу Гәдиса Қәычбериа иеиҧш иҟоу аҿар анаҳҧыло.

Аԥсуаа наџьнатә аахыс рыԥсҭазаара иузаҟәымҭхо иадҳәалоуп абџьар аныҟәгара. Машәыршәа иҟалаз акы акәым абџьар-ҟазацәа рпрофессионалтә рҿиаратә еидгыла «Х-напы» аиҿкаарагьы.

Аԥсуа бызшәа аҵара аганахьала иҟоу аҭагылазаашьа, иҿыцу аметодикақәеи абызшәа аҵара ирласу акурсқәа русуреи, уҳәа ртәы дазааҭгылеит  Аԥсныпресс акорреспондент дзыҿцәажәаз  аҳәынҭқарратә бызшәатә политика азы Аҳәынҭқарратә усбарҭа аиҳабы Гәында Кәыҵниа.

Аҧснеиҧш, уи анҭыҵгьы зыхьӡ наҩхьоу аҧсуа  уараш  хаҭабзиара ҳаракыла иахьҭрыжьуа, Ауарашршырҭатә зауад  «Аҟәатәи ауараш» анысмҩа акыр иҭбаауп.