Нхыҵ-Кавказтәи ихароу аҳәаанырцәи рҵакырадгьылқәа ирықәбзазо, шьак еицызлоу аԥсуа-адыга жәлахылҵшьҭрақәа ирхаҭарнакцәоу ажәларқәа ҳгәеизыбылра иашьаҭахаша ҳаибабареи, ҳаиҭанеиааиреи ирзынархоу аусқәа рырцыхцыхра ахықәкы хадақәа иреиуоуп, шықәсык аԥхьа Аԥснытәи аҳәынҭқарратә университет аҟны, аректор,  академик Алеко Алықьса-иԥа Гәарамиа иқәҵарала иаартыз, В. П. Анқәаб ихьӡ зху аԥсуа-адыга филологиа Аҭыԥ хада.

26 шықәса дшырҭагылаз, аҕа ихымца зыҧсҭазаара ҿахнаҵәаз, арҧыс  Бено Ҟалҕьы иуацәеи-иҭынхацәеи, дыздыруази, ицеибашьуаз иҩызцәеи иӡбахә ианалацәажәо  лабжышда ирызҳәом.

Аибашьра  алаӷырӡи агәырҩеи ацуп. Ауаҩытәыҩса дызблуа ахьаа имыцәаӡо мцабзуп. Нанҳәамза 30 рзы адунеи зегьы иазгәарҭоит хабарда ибжьаӡыз ргәалашәара амш.

Аиааира Ду  амшныҳәа  ҩажәи жәаба шықәса  ахыҵра инамаданы  Аҧсны  ахьынӡанаӡааӡо еиҿкаан аныҳәатә уснагӡатәқәа.

Ахырҵәарақәа, аибашьрақәа ишдыру еиҧш, еиҳа ирныруеит ажәлар маҷқәа. Аха хыҧхьаӡарала рмаҷра Ҳазшаз иациҵаз адоуҳа хеиқәырхагак  ахь ихьанарҧшуеит урҭ ианакәызаалак.

Аиааира 30 ш. ахыҵра аныҳәеи Аҧсны жәларбжьаратәи азхаҵара 15 ш. ахыҵреи ирызкны октиабр 2-4 рзы   имҩаҧысуан Жәларбжьаратәи аҭҵаарадырратә конференциа «Амшынеиқәа-Кавказтәи арегион аҭоурыхи иахьатәи аамҭеи рпроблемақәа». Уи еиҿыркааит Аҧснытәи аҳәынҭқарратә университети, Д.И. Гәлиа ихьӡ зху Аҧсуаҭҵаара аинститути, Аҧсадгьыл ахь архынҳәразы Аҧснытәи аҳәынҭқарратә еилаки.