Аԥсны карате-до Афедерациа аспортсменцәа ааԥхьара роуит жьҭаарамза 6 азы ақалақь Краснодар имҩаԥысыз карате ала Урыстәыла Аладатәи ачемпионат ахь. Атурнир рхы аладырхәит Урыстәыла арегионқәа зегьы рҟынтәи 630-ҩык инареиҳаны алахәылацәа.

СССР аспорт азҟаза, Леон иорден занашьоу Георги Блаб игәалашәара иазку абокс азы ҩажәижәабатәи Жәларбжьаратәи аиубилеитә турнир мҩаԥысуеит Пицунда ақалақь аҿы. Георги Блаб дҭахеит 1992 шықәса жьҭаарамзазы Гагра ақалақь ахақәиҭтәраан.

Пицунда имҩаԥысит аолимпиатә хәмаррақәа рҟны араӡнытә аԥхьахә иаԥсахахьаз Саида Гәынба лгәалашәара ахьӡала, атлетика лас азы иаарту ареспубликатә турнир. Уи рхы аладырхәит ақалақьқәа Аҟәа, Гагра, Пицунда, Гал, Гәдоуҭа рҟнытә 2007 ш. рзы ииз, иреиҳабацәами, 2008-2009 шықәсқәа рзы ииз иреиҵбацәами 70-ҩык рҟынӡа аспортсментцәа.