Алиса Гыцба напхгара зылҭо III жәларбжьаратәи амузыкатә конкурс мҩаԥысит Ражден Гәымба ихьӡ зху Аԥснытәи аҳәынҭқарратә филармониаҿы.

Урыстәылатәи Афедерациа Апрезидент Владимир Путин инапы аҵаиҩит ҩынтәны ашәахтәқәҵара ацәцаразы, ахашәалақәа рзы ашәахтәқәа рганахьала ашәахтәшәара аҽацәхьакра алмыршаразы Урыстәылеи Аԥсни реиҳабырақәа рыбжьара аиқәшаҳаҭра аратификациазы азакәан, иаанацҳауеит ТАСС.

Аԥсны Ахада Аслан Бжьаниа Урыстәыла Апрезидент Владимир Путин идиныҳәалеит жәлар ракзаара Амш.

35 шықәса раԥхьа, жьҭаарамза 25, 1989 шықәса рзы ҩ-бызшәак рыла, аԥсышәалеи аурыс бызшәалеи иҭыҵуа иалагеит Аԥсны Жәлар Рфорум агазеҭқәа – «Аидгылара», «Единение». Агазеҭ «Аидгылара» аредактор хадас дҟалеит Геннади Аламиа, агазеҭ «Единение» аредактор хадас – Николаи Џьонуа.

Октиабр 20 азы еицырдыруа аԥсуа ҭоурыхҩҩы, аетнограф, алитератураҭҵааҩ, аҭоурыхтә ҭҵаарадыррақәа рдоктор Шьалуа Денис-иԥа Инал-Иԥа диижьҭеи 108 шықәса ҵит. Ахәшьара аҭара уадаҩуп Аԥсны аҭоурыхи аетнографиеи рганахьала Шьалуа Денис-иԥа илшамҭа.