Самсон Ҷанба ихьӡ зху Аҳәынҭқарратә аԥсуа адраматә театр азал ду аҿы еиҿкаан 2024 шықәсазы ибзиаӡаны зҵара хзыркәшаз аушьҭымҭацәа амедалқәа ранашьара иазкыз аусмҩаԥгатә. Уи еиҿнакааит Аԥсны аҳәынҭқарра аҵара Аминистрра.

Аԥсны Аҳәынҭқарра Ахада Аслан Бжьаниа Тамшь ақыҭаҟны 31 шықәса раԥхьа Тамшьтәи адесант аӡхыҵра амш аҽны Ахьӡ-Аԥша Абаҟаҟны ашәҭшьыҵәрақәа шьҭеиҵеит.

Ииун мза 25 рзы Ауаажәларратә палатаҿ имҩаԥысит атуриндустриа ахаҭарнакцәа злахәыз аиԥылара. Араҟа ирылацәажәон Аԥсны иахьа атуризм аҭагылазаашьа, насгьы ирзааҭгылан дара русураҿ ирԥыло ауадаҩрақәа.