Аҧсны - агеи-ашьхеи ирыгәҭылаку атәыла ссир. Ҳаҧсадгьыл аҭоурых ду, адунеи аҭоурых иахәҭакуп. Араҟа шьахәла иаарҧшуп ауаҩытәыҩса дызнысыз аамҭақәа зегьы. Неиҧымкрада, шәышықәсала ҳхылҵшьҭрақәа иахӡыӡааны ркультура абиҧарала еимырдон.Аҧсны ауаҩы иҧылоит азқьы­шықәсақәа ирықәлоу абаҟа ссирқәа. Адунеи аҳәынҭқаррақәеи ажәларқәеи, асеиҧш аҭоурых ҵаула иахыҽхәартә измоу, рхыҧхьаӡара рацәам.

2024 шықәса февраль 2 азы Аԥсны Ахада ихаҭыԥуаҩ Бадра Гәынба инарҭбааз аилацәажәара мҩаԥигеит араионқәеи ақалақьқәеи рхадацәа, амчратә усҳәарҭақәа рнапхгаҩцәа, Аиҳабыра иалоу алархәны.Аилацәажәара иалахәын Аԥыза­-министр Алеқсандр Анқәаб, Ахада Иусбарҭа анапхгаҩы Абесалом Кәарҷиа.

Алхрақәа рылҵшәақәа рхашшаареи рыхәаԥшреи рыҿҳәарақәа реиҵатәра, аҩбатәи алхрақәа раан 10 процентк инареиҳаны ауаа рхыԥхьаӡара азырҳара, «Аԥсны Аҳәынҭқарра Ахада иалхрақәа рзы» иахьа иҳамоу Аконституциатә закәан аиҭакрақәа ралагаларазы егьырҭ ажәалагалақәа жәпакы ртәы еиҭеиҳәеит «Аԥсныпресс» иеиҭаз аинтервиу аҟны Алхратә комиссиа хада ахантәаҩы Дмитри Маршьан.

Ааигәа аҭыҧ змаз ахҭыс Аҟәатәи аҩбатәи абжьаратә школи Гәдоуҭа иҟоу ахәҳахәҭратә центр «Вавилони» артҟәацга аҵоуп ҳәа амц жәабжь азы иаанкылаз ахәыҷы ашәарҭадаратә маҵзура аусзуҩцәа излашьақәдыргылаз ала, уи иҽаҵаиҩит иарку ателеграмм-канал, уи амодераторцәа Аҧсны анҭыҵ иҟоу роуп.

Аҳәынҭқарра Ахада – Арбџьар Мчқәа Ркомандаҟаҵаҩ хада дырзыӡырҩит атәылахьчара Аминистрра 2023 шықәсазтәи аусура алҵшәақәеи ҳазҭоу ашықәс азы иазԥхьагәаҭаны ирымоу ауснагӡатәқәеи. Атәылахьчара аусбарҭа анапхгаҩы адырра ҟаиҵеит Арбџьар Мчқәа рҟны аибашьратә, аоперативтә ҽазыҟаҵарақәа шымҩаԥысуеи, аԥсуа ар рыҿиара ахырхарҭа хадақәеи рзы.

Ааигәа здоуҳатә ҭынха наӡаӡа иаҳцәыӡыз, раԥхьатәи аԥсуа професионалтә сахьаҭыхҩы, адунеиаҿ зыхьӡ еицырдыруа Алеқсандр Константин-иԥа Чачба ажәлар рыҿиараҿы акультуреи аҟазареи рҵакы дазааҭгыло иҩуан: «Аҟазара змам атәыла, ԥхьаҟа бзиарак ҳәа акагьы азыԥшӡам; уи ауаатәыҩса рдоуҳа ԥсхьеит, ԥсҭазаашьас ҳәа ирымоугьы – аилабаароуп» ҳәа.