Есышықәса Аҧсны Асахьаҭыхҩцәа Реидгыла имҩаҧнагоит ҭагалан иазку аҭыхымҭақәа рцәыргақәҵа. Ҳазну ашықәс азы ари ацәыргақәҵа азырхиан Аиааира ду 29-шықәса ахыҵра аламҭалазы. Аҟәа ацәыргақәҵатә зал ахь иааргеит еиуеиҧшым абиҧарақәа ирыҵаркуа асахьаҭыхҩцәа раҧҵамҭақәа. Убарҭ иреиуоуп Виссарион Ҵәыџьба, Заур Мықәба, Амиран Адлеиба, Валери Багаҭелиа, Диана Хынҭәба, Саид Возба, Сасун Торосиан, Асҭанда Адлеиба, Ҟәараса Черқьезиа.