Урыстәы­латәи Афедерациа  Аҳәынҭдума  аделегациа иалоуп: Аҳәынҭдума Ахантәаҩы ихаҭыҧуаҩ Сергеи  Неверов, ИАР аусқәеи, Евразиатәи  аинтеграциеи, аџьынџьуаа рҟны  аимада­рақәеи рзы  Адума  Аилак ахантәаҩы  Леонид Калашников, атәылахь­чаразы Аилак ахантәаҩы Андреи  Картаполов, атуризми атуристтә инфраструктура  арҿиареи рзы Аилак ахантәаҩы  Сангаџьи Тарбаев, жәларбжьа­ратәи аусқәа рзы  Адума Аилак  ахантәаҩы ихаҭыҧуаҩ Светлана Журова, ИАР аусқәеи, Евразиатәи  аинтеграциеи, аџьынџьуаа рҟны  аимадарақәеи рзы  Адума  Аилак ахантәаҩы  актәи ихаҭыҧуаҩ  Константин Затулин.

Аҧсны  Аҳәынҭдума аделегациа  рофициалтә  визит инақәыр­шәаны имҩаҧы­суеит  Аҧсны Ахада Аслан Бжьаниеи,  Жәлар Реизара  Аиҳабы  Лаша Ашәбеи, Аҳәынҭдума Ахантәаҩы  Виачеслав  Володини реиҧыларақәа.  Иара убас  иазгәаҭоуп  Аҧсны  Жәлар Реизара адепу­татцәеи  Аҳәынҭдума аделегациеи  реиҧы­лара, Аҧсны Аҳәынҭқарра Жәлар Реизареи  Урыстәылатәи Афедерациа  Афедералтә  Еизара Аҳәынҭдумеи аусеицуразы  аиқәышаҳаҭра  рнапы аҵаҩра.