Аҧсны Аџьынџьтәылатә еибашьра Аиааира амш 30 шықәса ахыҵра аламҭалаз, аибашьраҿ иҭахаз рҭаацәарақәа Атәанчахәытә фонд амчала ирызшәахоит зныктәи аҧаратә ҳамҭа 20 нызқь мааҭ.

Аҧсны Акультура аминистрра ахаҵгыларала сентиабр 16-17 рзы Аҧсны имҩаҧысит аҧсуа-адыга фестиваль «Риҵа арифмақәа». Афестиваль хацыркын 2018 шықәса рзы. Уи шьҭа традицианы ишьақәгылеит. Аханатә аҧшьгаҩыс дамоуп аҟабарда поет, адраматург, ажурналист, ауаажәларратә усзуҩы Зарина Ҟаныҟәа.

Аҧсны имҩаҧысуан «Аурыс культура амшқәа». Аусмҩаҧгатәқәа еиҿкаан Аҧсны акультура аминистрра ахаҵгыларала. Афестиваль еиднакылеит апоетцәа, апрозаикцәа, ажурналистцәа, асахьаҭыхҩцәа, акультура аусзуҩцәа. Урыстәылантәи иааз арҿиаҩцәа ргәыҧ напхгара алҭон Москватәи ажурнал «Литературные знакомства» аредактор хада Лола Звонарева.