Ашәҟәыҩҩы, апублицист Шамиль Ибрагим-иҧа Хокерба диит (20.01.1899) Аҧсны, Аҟәатәи аокруг Кәыдрытәи аучастка (иахьатәи Очамчыра араион) Очамчыра ақалақь аҟны – иԥсҭазаара ҿахҵәеит Лагодехи, Қырҭтәыла, 1942 ш.).

Ажьырныҳәамза 13 – 14 рзы Москва имҩаԥгаз аҟазара адунеи ачемпионат «Адунеи аҟазара» иахәҭакыз жанр рацәала еилаз жәларбжьаратәи афестиваль «Лидеры России» аҟны, Едуард Бебиа ихьӡ зху Аԥсны аҳәынҭқарратә акәашаратә ансамбль «Шьараҭын» аҿы иаԥҵоу ахәыҷтәы ахореографиатә студиа, Аԥсны зҽаԥсазтәыз артистка Анжела Дбар напхгаҩыс дызмоу «Иааирума» иреиҳаӡоу аԥхьахә «Гран-при» иахьаԥсахаз, иалахәын убасгьы ҳешьаратә жәларқәа иреиуоу аедыгьақәа рхаҭарнакцәагьы, Адыге-Хабль араионтә культуратә хан аҿы иаԥҵоу ахәыҷтәы ахореографиатә гәыԥ «Радуга» ҳәа хьӡыс измоу. Уи напхгаҩыс дамоуп Абдокова Инесса Хазраил-иԥҳа. Аицлабра аҟны ансамбль «Радуга» иқәдыргылаз: авальс «Нежность», ҳаамҭазтәи акәашара «Коралловый феерверк», адебиуттә кәашара «Девичий танец» рзы иранашьан афестиваль аԥхьахә I аҩаӡара.
Адыге-Хабль араион ахадара аиҳабы Астежев Мухтар Темир-Булат-иԥа ахәыҷтәы ансамбль «Радуга» ирыдиныҳәалеит, ирзеиӷьишьеит аԥхьаҟагьы аизҳара, ақәҿиара дуқәа.

Саида Ҳаразиа

Адунеи ажәларқәа зегьы реиԥш, ҳажәларгьы жә́ытә-натә аахыс ирымоуп: рбызшәа, рҵас, рқьабз, рҟазара… даҽа милаҭк иалазмырҩашьо. Аҟазара уи доуҳатә культуроуп, ауаҩытәыҩса иԥсҭазаара иахәҭакуп, аҵакы адунеиаҿы инарҵауланы иахәаԥшуеижьҭеи акырӡа ҵуеит.
Адоуҳа амч ахархәарала ианакәызаалак ауаажәларра рыбзазара еиҿыркаауан. Амилаҭтә хаҿра шьақәзырӷәӷәо аҟазараҵла амахәҭа жәпақәа ируакуп ажәлар рашәаҳәареи рыкәашареи.

Ианвар 28 рзы Р. Гәымба ихьӡ зху Аҧснытәи аҳәынҭқарратә филармониаҿ имҩаҧысит Ҭенгиз Џьопуа исценариала иҭыху зметраж кьаҿу афильм «Агәаартра» апремиера.
Аҧсны Аџьынџьтәылатә еибашьра еилгеижьҭеи 30 шықәса аҵра инамаданы иҭыхын афильм. Уи азкуп аибашьраҿы аби ани 15 шықәса зхыҵуа рыҷкәынзаҵә, абџьар шьҭыхны еибашьра заб иццаз иҭахара.

2023 ш. ноиабр 24 рзы Аҧсны Ахада инапы зҵаиҩыз Адҵа инақәыршәаны Аҳәынҭқарратә комиссиа аҧҵоуп Аҧсны жәлар рпоет Д.И. Гәлиа диижьҭеи 150 ш. аҵреи агазеҭ «Аҧсны» аҧҵоижьҭеи 105 ш. аҵреи ирызкны аиубилеитә усмҩаҧгатәқәа реиҿкааразы.

Аԥсны Ахада Аслан Бжьаниа инеиҵыхыз аилацәажәара мҩаԥигеит Аиҳабыра иалоу, араионқәа рхадарақәа реиҳабацәа, Жәлар Реизара адепутатцәа, алархәны – иаанацҳауеит Аҳәынҭқарра Ахада ипресс-маҵзура.
Аиԥылара аартуа, атәыла Ахада иаликааит 2024 шықәсазы амчра амахәҭақәа зегьы русура ахырхарҭа хадақәа. Урҭ еиқәышәшәа русура иахьыԥшуп Аԥсны атәылауаа рыԥсҭазаара аҩаӡара ахаҭабзиара.