Абаҩхатәра ссир злоу, х-ҩык арҧарцәа еидызкыло агәыҧ «Анатрио» шьақәгылеижьҭеи рацәак ҵуам. Аха ари агәыҧ иалоу арҧарцәа: Алхас Ферзба, Нугзар Какалиа, Алиас Абыхәба бжьеинаалала еицынарыгӡо ашәақәа аамҭа кьаҿк иалагӡаны иргәылархалеит, гәыблыла ирыдыркылеит ҳауаажәлар. Шамахамзар агәыҧ «Анатрио» алахәылацәа рынагӡашьа ихнамхыз, згәаҵаҿ имнеиз дыҟам.

Жәытә-натә аахыс аҧсуаа амилаҭ рлахьынҵа аӡбара ианаҿу зхы ҧхьамкыкәа, згәымшәара аҧхьа изыргылаз, «Нарҭаа гәымшәақәа дырхылҵшьҭроуп» ҳәа ишьҭан.

Амассатә информациатә хархәагақәа зегь рахьтә агазеҭ хадароуп, иара зтәу ажәлар (еиҳараӡакгьы хыҧхьаӡарала имаҷу) рхьаа, рыгәҭыха, реихьӡарақәа уҳәа саркьалҵас илыҧшааху хатәы бызшәала аҧхьаҩ игәаҵанӡа анагараҿы ҳҳәар агха ҳахьрым.

Абаҩхатәра ссир злоу, х-ҩык арҧарцәа еидызкыло агәыҧ «Анатрио» шьақәгылеижьҭеи рацәак ҵуам. Аха ари агәыҧ иалоу арҧарцәа: Алхас Ферзба, Нугзар Какалиа, Алиас Абыхәба бжьеинаалала еицынарыгӡо ашәақәа аамҭа кьаҿк иалагӡаны иргәылархалеит, гәыблыла ирыдыркылеит ҳауаажәлар. Шамахамзар агәыҧ «Анатрио» алахәылацәа рынагӡашьа ихнамхыз, згәаҵаҿ имнеиз дыҟам.

Хаҭала, аҧсуа жәлар рхаҭарнакцәа аӡәырҩы реиҧш, сызлыҵыз сыжәлар срызгәыдууп, смилаҭ зегь раҧхьа исыргылоит. Аха аҵыхәтәантәи аамҭазы аҧсуа иаҭәам ахымҩаҧгашьақәа ахьызбо сшазыразым аартны исҳәар  сҭахәуп. Изааӡарызеи, шьоукы – изааӡаз рангьы аҧара азы дырҭиуа аҟынӡа инеихьеит, урҭ рзы иҧшьоу, изыхӡыӡаауа ҳәа акгьы ыҟам. Ҳбызшәа хьаас дара ирымам, ҳҵасқәеи ҳқьабзқәеи ирызхәыцуам, ҳажәлар уаҵәтәи рҧеиҧш акәзар, ргәы иҵхом, амала еицаҳзеиҧшу ҳаҧсадгьыл аҿы «рыла ҧхашьарак хымкәан» иаарбо, иаарымҧыхьашәо зегь аҧарахь ахырхарҭа арҭоит.  Ҳажәлар ирыхәо ак ҟарҵошәа, уи «аҧшра» аҭаны, абизнес алаҟарҵоит. Абизнес злухлакгьы, ашколтә форма абизнес алхра –  уиҵәҟьа Анцәагьы ауаагьы ирџьыршьо иҟам.

Аҧсны аҵара аминистрра адҵа ҟанаҵеит ҳәа аҭаацәа агәра дырхаҵаны, школқәак рҿы, арҵаҩцәа даара ҳаҭыр шрықәысҵогьы, арҵаҩы иаҳаҭыр лазырҟәуа рҵаҩцәақәак «абри аҩыза ашколтә форма, абригьы-абригьы адәқьан аҟны иаашәхәароуп»- ҳәа «ҧсыхәа змам акәны» аҭаацәа ирыдыргало иалагахьеит. Урҭ хьыӡҳәала ҳарзааҭгылом, ари астатиа иаҧхьар, хымҧада, рхы рдыруеит…

Азҵаара сызцәырҵуеит хаҭала, иахьзеи ҵыҧх иҧшӡаӡа ахәыҷқәа иныҟәыргоз ашколтә форма?!  Аформа шхадароу зегь рзы еилкаауп, аха уи ак- заҵәык аума хырҩаа зҭатәу, ихарҟьацәаны изызнеитәу?!

Сгәаанагарала, ахәыҷқәа рыҩнуҵҟа еилых ҟамҵакәан,  аҵаратә процесс аиҿкаара, аизырҳара еиҳа хырҩаа аҭатәуп, уи еиҳа ихадоуп.

Ашколтә программа шеиҿкаау  рацәак  иалацәажәаӡом, ахәыҷқәа рырҵага шәҟәы иану рықәра ишаҵанамкуа  аӡәгьы дазааҭгылаӡом, ашколтә форма заҵәык ауп проблемас иқәгылоу. Ашколтә форма заҧҵоу –  аҵаҩы аҽырбарахь дхьанамырҧшырц, аӡә далкааны дҟамларц азы ауп зегьы еицырзеиҧшу ашәҵатәы зырӡбаз. Аха, иара ахәыҷқәа еицырзеиҧшу ашколтә формагьы «аҽырбарахь»  ииаагоит ҳәа ҳаҿуп.

Ашколтә форма ҳәа уажә иаҧшьыргаз 5-6 нызқь еиҵаны иузаахәаӡом. Ахәыҷы ҩынтә-хынтә иҽызлеиҭеикшагьы аахәатәуп. Шьҭа ҳазхәыцып аҭаацәара рацәа, иара убас малла ибеиам аҭаацәарақәа рхәыҷқәа ашкол ахь рышьҭра шаҟа ирцәыхьанҭоу,  изҵаҳҵо аидара. Урҭ ирылшарыма рыхшара ашколтә форма рзыхәҳаны, еиқәыршәаны ашкол ахь рышьҭра?!

Абарҭ азҵаарақәа инарымаданы ҳара ҳамҩахыҵит Аҧсны аҵара аминистр актәи ихаҭыҧуаҩ Ада Кәарҷелиа-ҧҳа лахь.

Уи ҳаиҿцәажәараан, инаҵшьны иазгәалҭеит, Аҧсны аҵара аминистрра аҟнытә ашколқәеи арҵаҩцәеи аӡәгьы адҵа шырмоуз, хықәкыла, «абри аҩыза, абри адәқьан аҿы ихәҳатәуп» - ҳәа аӡәгьы ишрабжьимгаз. «Аҧсны аҵара  аминистрра аҟнытә ус еиҧш азингьы ҳамаӡам, уимоу,  аҵара апроцесс иаҵанакуа џьара лагалак анҳамоугьы атәыла анапхгара рыда иаҳзышьақәырҕәҕәом»- лҳәеит уи.

«Ашколтә форма ыҟазароуп, аха уи ахарҟьареи абизнес алхреи иашам ,сгәаанагарала. Ҳара хықәкы хаданы ҳҿаҧхьа иқәгылоу аҵарадырра  ашьҭыхра ауп, уи раҧхьа иҳаргылароуп»,- лҳәеит Аҧсны аҵара аминистр актәи ихаҭыҧуаҩ Ада Кәарҷелиа-ҧҳа ҳаиҿцәажәара хыркәшо.

Аиашазы, рҵаҩцәақәаки, ҭаацәарақәаки ашколтә форма абизнес алхра згәы иҭоу рыххәыцра аҧсам. Аӡәгьы мчыла рыдгалара азин рымаӡам. Убри аҟнытә, уи хырҩаа аҭатәым…

Ада Кәарҷелиа-ҧҳа лыҿцәажәара ашьҭахь, хаҭала, ахшара рацәа змоуи малла ибеиам  аҭаацәарақәа ашколтә форма аганахьала цхыраарас иҟоу аилкааразы ҳиҿцәажәеит Аҧсны аҵара аминистрра аматериалтә-техникатә еиқәыршәара аҟәша аиҳабы Радам Кәурт-оҕлы. Уи иажәақәа рыла, иахьазы, ашколтә формала еиқәдыршәо ахшара рацәа змоуи заагарҭа маҷу аҭаацәарақәеи шьақәыргылоуп Аҧсны Асоциалтә еиқәыршәара аминистрреи дареи русеицурала еиҿкаау асиа инақәыршәаны.

Радам ҳаиҿцәажәараан инаҵшьны иазгәеиҭеит, формала еиқәдыршәо ахәыҷқәа рхыҧхьаӡара шынаӡо 800-ҩык рҟынӡа. «Аҧсны еиуеиҧшым араионқәеи ақалақьқәеи рҟнытәи ацхыраара зҭаху аҭаацәарақәа рыхьӡала арзаҳалқәа лассы-лассы иҳауеит, аха макьана ҳалшара азхом урҭ зегьы ацхыраара раҳҭартә еиҧш»,– иҳәеит уи ҳаиҿцәажәараан.

Аиашазы, ҳтәыла даара ибеиамзаргьы, зынӡагьы иҕарны иҟам. Ҳалшарақәа ииашоу ахырхарҭа рыҭара ҳазхәыцуазар, уаҵәтәи ҳҧеиҧш зыӡбо, уи знапы иану аҿар рызхьаҧшреи ацхыраара рыҭареи зегьы ирыцкуп.

Алиса Гәажә-ҧҳа

Амассатә информациатә хархәагақәа зегь рахьтә агазеҭ хадароуп, иара зтәу ажәлар (еиҳараӡакгьы хыҧхьаӡарала имаҷу) рхьаа, рыгәҭыха, реихьӡарақәа уҳәа саркьалҵас илыҧшааху хатәы бызшәала аҧхьаҩ игәаҵанӡа анагараҿы ҳҳәар агха ҳахьрым.

Аибашьра иарбан аамҭазаалакгьы инымҵәаӡо ахьаа, агәырҩа, алаҕырӡ ацуп.

30 шықәса шҵуагьы дарбанызаалак изы иҭахаз рҭоурыхқәа аҳәара, агәаларшәара уадаҩуп.

Шьала еиқәырхоу ҳтәыла аполитикатә хьыԥшымра аҽҳәаақәнаҵеижьҭеи абар, сынтәа х-жәашықәсак ҵуеит, ҩымз рнаҩс. Зынӡа ирацәамзаргьы, имаҷцәоуп ҳазҳәарым ари аамҭа. Убри аҟнытә, есымшааирагьы ҳауаажәларратә бзазараҿы иҵарны иқәгылоит ҳҳәынҭқарра аекономикатә ҭагылазаашьа азҵаара.

Сергеи Арушьан-иҧа Агындиа диит (08.07.1953) Очамчыра араион Ԥақәашь ақыҭан. СССР-и, Урыстәылеи, Аҧсни ржурналистцәа Реидгылақәа дрылоуп.  1997 ш. Аҧсны ашәҟәыҩҩцәа Реидгылахь дрыдыркылеит, 2003 ш. раахыс – Аҧсны ашәҟәыҩҩцәа Рассоциациа далоуп.

Ииуль ҩба рзы ҳтәылаҿы иазгәарҭоит аҭоурыхтә рыцхә. Ари амш аҽны, ҩажәи жәаба шықәса раҧхьа Очамчыра араион, Тамшь ақыҭан амшын аҧшаҳәаҿы иӡхыҵит аҧсуа ар рдесант. Адесант аӡхыҵреи, Гәымсҭа аӡиас армарахьтәи аҧшаҳәа аанкылареи рыла иалагеит жәамш рыҩныҵҟа ицоз ииультәи ажәылара.

Август  жәиҧшь,  зқьи жәшәи ҧшьынҩажәи жәаҩа   шықәса,  ахәаша.  Аҽны  асааҭ   12 рзы    имҩаҧысраны  иҟан, усҟантәи Аҧсны Иреиҳаӡоу Асовет асессиа.  Уаҟа ирылацәажәаран иҟан Аҧсни Қырҭтәылеи реизыҟазаашьақәа рзы аиқәшаҳаҭра иазкыз азҵаара.