Ԥхынҷкәын 3 рзы адунеи аҿы изгәарҭеит зылшарақәа ԥку ауаа жәларбжьаратәи рымш. Аԥсны ус иҟоу, адгылареи ацхыраареи хымԥада изҭаху зылшарақәа ԥку маҷыҩӡам. Рхыԥхьаӡара рацәамзаргьы, ус иҟоу ауаа ацхыраара ахьроуа ацентрқәа аус руеит ҳтәылаҿы. Руак – агәыҳалалратә центр «Ҳара ҳаицуп» аартын 2021 ш. рзы, Еиду Амилаҭқәа Реиҿкаара «Аҿиара» захьӡу иҷыдоу апрограмма иҟанаҵаз ацхыраарала. Ацентр аԥшьгаҩсгьы, еиҳабысгьы дамоуп Милана Аџьԥҳа.

Есышықәса, ԥхынҷкәынмза 10, 1950 шықәса инаркны ауаҩы изинқәа Жәларбжьаратәи рымш азгәарҭоит.

«Автотранспорттә хархәагақәа рҳәынҭқарратә шәҟәҭагаларазы» азакәан апроект иалацәажәеит Жәлар Реизара аҳәынҭқарра-зинтә политиказы Аилак алахәылацәа реилатәараҿы.

Абарҭ азҵаарақәа ирзааҭгылеит Аԥсны ахада инапынҵақәа назыгӡо Бадра Гәынба имҩаԥигаз аилацәажәараҿы. Аԥыза-министр ихаҭыԥуаҩ инапынҵақәа назыгӡо, афинансқәа рминистр Владимир Делба иазгәеиҭеит, аԥхьа аԥаратә малқәа шдәықәҵаз амчратә усбарҭақәа русзуҩцәа руалафахәы рызшәаразы, аҩбатәи аетап аан ргәы ишҭоу Амиграциатә маҵзура, аҭагылазаашьа ҷыдақәа рзы Аминистрра, ашәахтәқәеи аизгақәеи Рминистрра, Аҳәынҭҳазалхырҭа русзуҩцәа ауалафахәы рызшәара. Аҵыхәтәаны ауалафахәы рызшәахоит асоциалтә усхк аусзуҩцәа.

Аԥыза-министр инапынҵақәа назыгӡо Валери Бганба аиԥылара мҩаԥигеит. Уаҟа иахәаԥшын аиқәԥареи атлетика хьанҭеи ршкол ԥасатәи ахыбра акәша-мыкәша ишьақәгылаз аҭагылазаашьа.

Декабр 6 азы 32 шықәса ҵит аҵарауаҩ-археолог, арранапхгаҩы, Аԥсны Афырхаҵа Мушьни Хәарҵкиа дҭахеижьҭеи.