Мышқәак роуп иаанхаз, Абзиараз, Агәылшьап иаҵәа ҳәа 2024-тәи ашықәс наскьаган, Бзиала уаабеит 2025-тәи Амаҭ иаҵәа Ашықәс Ҿыц аҭаларазы.
2024-тәи Агәылшьап ашықәс, хаҭала, аԥсуа жәлар гәаҟра дук ҳзаанамгазаргьы, ҳаԥсҭазаара хынҭа-ҩынҭарала иҭәын, иуадаҩыз шықәсны имҩаԥысит. Ашықәс анҵәамҭаз, аҵыхәтәа шааигәахаз адырызшәа Агәылшьап даара аҽаҟьеит, ҳтәыла алашьцара аханарԥеит, аполитикатәи аекономикатәи ҭышәынтәалара шьақәнаҟьеит. Аха акызаҵәык – ауаажәлар ачҳара аарԥшреи аҭынчра аиқәырхареи рылыршо иааиуеит. Афымцалашара аҭагылазаашьа еиӷьхеит уажәазы.
Инҳажьуа ашықәс ауадаҩрақәа шацызгьы, ҳазҭало Ашықәс Ҿыц гәыӷра шәкы адаҳҳәалоит. Ишырҳәо еиԥш, «Агәыӷра аҵыхәтәанынӡа иԥсӡом»…
Аԥсҭазаараҿы амаҭ абара агәахәара знаҭо шамахамзар уаҩ дуԥылом, аха китаитәи агороскоп излаҳәо ала, амаҭ – ҳаҭыр зқәу, ԥстәы лыԥшаахуп. Уи символра рызнауеит – аҟәышреи, аҟәыӷаџьбарареи. Иҟалап аҟәышра ҳәаақәызҵо агызмалрагьы ацзар! Ас еиԥш аҟазшьақәа рылаҟазаареи раарԥшреи рыла, ҳәарада, имариахоит аиҭакра бзиақәа ралыршара.
Хаҭала, Амаҭ иаҵәа – аҩызцәа ирылукаауеит аҭынчра бзиа избо, ҟазшьалагьы ҭынч ашьшьыҳәа еиқәтәоу акы акәны. Уи хықәкыла аҽазнашәоит аиҵыҵреи аизҳареи рзы аҭагылазаашьа аԥҵара, аиқәырхара.
Амаҭ ашықәс зынӡа имарианы им­ҩасуам, ачҳареи аӷәӷәареи аар­ԥш­тәуп. Амаҭ иаҵәа ҳаҩнуҵҟатәи агәҭынчра, ачҳара аарԥшра ҳаднаҵоит. Уи атәамбара, ахымхәыцра хырҳага злам акоуп. Амаҭ аҟәышра инаҷыдангьы зымшьҭа бзиоу акәны иԥхьаӡоуп. Хаҭала, Амаҭ иаҵәа Ашықәс азы еиҳа аманшәалара ззаанаго роуп ҳәа иршьоит аҭҵаарадырреи аҟазареи рхырхарҭақәа. Арҿиареи аҭҵаарадырреи знапы алаку ауаа рзы агәахәара зцу, еихьӡара бзиала ихаҭәаау шықәсхоит ҳәа азгәаҭоуп.

Алиса Гәажә-ԥҳа

Ааигәа И.Кортуа ихьӡ зху Жәлар рырҿиара Ацентр аҟны Ауаажәларратә еиҿкаара «Абхаз Деск» абзоурала имҩаԥган Ажәытә аԥсуа кәашара аҿиареи аҭоурыхи рылацәажәара, ажәытә аԥсуа кәашарақәеи «Аураашьеи» рынагӡареи ирызкыз «Аицгәырӷьара» аусмҩаԥгатә.

Ишдыру еиԥш, сынтәа раԥхьаӡакәны еиҿкаан афестиваль - "Амандарин". Уи мҩаԥыслоит ажьырныҳәа 3 инаркны 6 - нӡа ҳазҭало 2025 шықәсазы.

Абар мышқәак роуп иагу Ашықәс ҿыц ааира. 2024-тәи ашықәс наскьаго ҳҭалоит гәыҕра шәкы здаҳҳәало 2025-тәи амаҭ ашықәс.
Ашықәс ҿыц ааира мызк шагу адәқьанқәа, амҩадуқәа, аҩнқәа, еиуеиҧшым ахыбрақәа ныҳәатә маҭәала еибырҭо иалагоит, уи угәалаҟазаара шьҭнамхуа иҟам. Ақалақьқәа рҿы акәзар имҩаԥыргоит еиуеиԥшым аныҳәатә усмҩаԥгатәқәа.
Ԥхынҷкәынмза 27, асааҭ 16:00 рзы Гәдоуҭа араион, Ленин ихьӡ зху апарк аҟны иаадыртит ашықәс ҿыцтәи аиармарка. Сынтәа ацәыргақәҵа рхы аладырхәит Аԥсны ақалақьқәеи ақыҭақәеи рҟынтәи 60-ҩык инареиҳаны ааглыхҩцәеи, анапҟазацәеи, анаплакҩцәеи. Уаҟа ицәырган еиуеиԥшым Ашықәс ҿыц иадҳәалоу ахәмаргақәа, анаплакқәа, афатәқәа - аџьанџьыхәа, еиуеԥшым хкы рацәала ашә хкқәа, ахаа-мыхаақәа, анышәаԥшь иалху аҵәҵәабжьқәа, иара убасгьы асахьаҭыхымҭақәа уҳәа.
Аныҳәа аиҿкааҩцәа: Сариа Арӡынԥҳа,
Нелли Цәышԥҳа.
"Ҳара иҳамоуп ҳхатәы гәыԥ. Аныҳәа аигәахаанӡа аӡыргара мҩаԥаагоит, анаҩс агәаҳәара змоу ихы алаирхәар илшоит. Ас еиԥш иҟоу аусмҩаԥгатә мҩаԥаагоижьҭе ԥшьышықәса роуп иҵуа, апрограмма хацыркхеит 2020 шықәсазы. Уи амҩаԥгаразы ацхыраара ҳарҭоит ақалақьтә администрациа, иара убасгьы авагылара ҳаиҭоит сашьа Адгәыр Арӡынба. Араҟа ауааԥсыра активла рхы аадырԥшуеит. Сынтәа зхы алазырхәыз маҷӡам, урҭ рхыԥхьаӡараҟны иҟоуп ҩыџьа аҷкәынцәагьы. Ацәыргақәҵаҿы ицәырыргоит рхатә напала иҟарҵо, насгьы ирҭиуеит. Ажәакала иуҳәозар, урҭ Ашықәс ҿыцаз ҳгәалаҟазаара шьҭырхуеит" ҳәа лҳәеит Сариа.
Аҵыхәтәан апарк аҟны аҭыԥантәи
ауааԥсыра рзы аниматорцәеи
адиџьеи рыла арлахҿыхратә
программа еиҿкаан.

Саида Ҳаразиа

Сынтәа, 130-ҩык рнапы зҵаҩу «Аҧсуа шәҟәы» - 47 шықәса ахыҵит! Уи ашәҟәы иҩын 1977 шықәса, декабр 10 аҽны!.. «Аҧсуа шәҟәы» 130-ҩык знапы аҵазҩыз рахьтә, иахьанӡа зыҧсы ҭаны иҳамоу 36-ҩык роуп! Урҭ рахьтә, иҟоуп ичмазыҩцәоу, аиарҭа иамоугьы...

«…Ашьха хоура иқәу анаҟәоу аиҟәԥараҿ  иҩалшәоит уи аӡы цәыкәбар. Абас ииуеит  цәыкәбарк аӡы, аӡиасқәа рыԥсҭазаара, арҩашқәа рҿы зырцәажәо, ацәқәырԥақәа зху амшын…» – иҩуеит Аԥсны жәлар  рышәҟәыҩҩы Алықьса Гогәуа еицырдыруа иҩымҭақәа руак аҟны.