Ҳара даара ҳақәгәыӷуеит 2025 шықәсазы Аԥсны асахьаҭыхҩцәа Реидгыла иаанартып ҳәа Ацәыргақәҵатә зал хада ашәқәа.

Аԥсны Ахада инапынҵақәа назыгӡо Валери Бганба ианвар 21 азы инапы аҵаиҩит «Аҳәынҭқарра (ареспубликатәи мамзаргьы аҭыԥантәи) иатәу атранспорттә хархәагақәа рыҭира, реиҭныԥсахлара, рыҭара, ашәҟәы раныхра аамҭала ақәиҭымтәразы» Аусԥҟа.

Аԥсны Ахада инапынҵақәа назыгӡо Валери Бганба ианвар 21 азы инапы аҵаиҩит «Аенергетикатә шәарҭадара алыршара аусмҩаԥгатәқәак рзы» Аусԥҟа, – Аԥсныпресс ахь иаарыцҳаит Ахада Иусбарҭа аҟнытә.

Еиуеиԥшым аицлабрақәеи, атурнирқәеи, ачемпионатқәеи рҟны аԥхьахәқәа згахьоу, аҟыбаҩ ҷыда злоу аспортсменка, аԥқьаҭ асҩы, Аԥсни Урыстәылеи аспорт азҟаза Ерика Кәарҷиа-ԥҳа ааигәа Жәларбжьаратәи акласс змоу аспорт азҟаза ҳәа ахьӡ даԥсахеит.

Иқалақьума, иқыҭоума, даҽа ҭыԥума иамоуп иара злалыркаауа, иасаркьоу ахыбрақәа. Асовет аамҭазы Аҟәа ақалақь аҿы убас иҟаз ахыбрақәа иреиуан Аҟәатәи авокзал. Иара аиҿкаашьала, аибыҭашьала, излыхыз амаҭәахәқәа рыла, архитектурала уаҩы илаԥш аднахалон.