Октиабр 20 азы еицырдыруа аԥсуа ҭоурыхҩҩы, аетнограф, алитератураҭҵааҩ, аҭоурыхтә ҭҵаарадыррақәа рдоктор Шьалуа Денис-иԥа Инал-Иԥа диижьҭеи 108 шықәса ҵит. Ахәшьара аҭара уадаҩуп Аԥсны аҭоурыхи аетнографиеи рганахьала Шьалуа Денис-иԥа илшамҭа.

Жьҭаарамза 25 рзы Аԥсны раԥхьаӡа акәны иазгәарҭоит аҩныҵҟатәи аусқәа русбарҭақәа рветеранцәа Рымш. Ари аныҳәа аҩныҵҟатәи аусқәа рминистр Роберт Киут ила ишьақәырӷәӷәоуп.

Жьҭаарамза 28 азы Аԥснытәи Аҳәынҭқарратә университет аҿы ақалақьқәеи, араионқәеи, ареспублика алицеи-интернатқәеи аматематикеи афизикеи рырҵаҩцәа рзы аҵарадырра аизырҳаратә курсқәа мҩаԥысит.

Аԥсуа ибзазараҿы ахьаҵла жәытәнатә аахыс аҭыԥ ду ааннакылон. Уи иалырхуаз аҩнымаҭәахә зегь реиҳа зхаҭабзиара ҳараку, анҵыра бзиа змоу рахь иԥхьаӡоуп. Иара ахьа ахаҭа аԥсуаа еиуеиԥшым аамҭақәа рзы илаганы афатә алаҟарҵон, уи иалырхуан аҳалуа, ақалмышь, амгьал.

Октиабр 30 азы Аԥсны аполитикатә репрессиақәа ирыладырӡыз ргәалашәара Иамшын. Сариа Лакоба лыхьӡ зху абаҳчаҿы имҩаԥысит урҭ ирызку абаҟа ашьапаҿы ашәҭқәа рышьҭаҵара. Иалахәын Аԥсны Ахада Аслан Бжьаниа, Аиҳабыра иалоу, Жәлар Реизара адепутатцәа, ауаажәлар рхаҭарнакцәа.