Жьҭаарамза, иара амза ахьӡ ишаҳәо еиԥш ажь аҭаара иаамҭоуп. Ана-ара аҩнаҭақәа рҿы анхацәа рҽаҩра еиныргалоит амш иахьынӡарнаҭо. Аҩыҟаҵаразы рчанқәеи руалырқәеи дырмазеиуеит. Макьана аҳауа иалоуп илаҳа-лаҳауа ажь афҩы.

Аслан Бжьаниа напхгара ззиуаз аделегациа Башкортосҭан Ареспублика Амш азгәаҭара иазку аныҳәа иалахәын. Абри азы адырра ҟанаҵоит Аҳәынҭқарра Ахада ипрес-маҵзура.

Иахьа 110 шықәса ҵит Аԥсуа литературатә критика ашьаҭаркҩы, абызшәадырҩы, афольклорҭҵааҩ, ауаажәларратә-аҳәынҭқарратәи усзуҩы Хәыхәыт Соломон-иԥа Бӷажәба диижьҭеи.Хәыхәыт Бӷажәба – афилологиатә наукақәа рдоктор, Аҭҵаарадыррақәа Ракадемиа академик, Д.И.Гәлиа ихьӡ зху Аҳәынҭқарратә премиа алауреат, Аԥсни Қырҭтәылеи зҽаԥсазтәыз Ауаажәларратә усзуҩ – диит 1914 шықәсазы жьҭаарамза 15 азы Очамчыра араион Гәыԥ ақыҭа.

Аԥсны адәныҟатәи аусқәа рминистр Сергеи Шамба «Аԥсны ишәарҭадоу, иҭышәынтәалоу аҿиара амҩақәа рыԥшаараҿы» ҳәа астол гежь аҟны (ақ. Аҟәа, 2024 ш. сентиабр 19) иқәгылара (икьыԥхьуп иаазыкьаҿны).

Аԥсны карате-до Афедерациа аспортсменцәа ааԥхьара роуит жьҭаарамза 6 азы ақалақь Краснодар имҩаԥысыз карате ала Урыстәыла Аладатәи ачемпионат ахь. Атурнир рхы аладырхәит Урыстәыла арегионқәа зегьы рҟынтәи 630-ҩык инареиҳаны алахәылацәа.