Ҭырқәтәылатәи аҧсуа диаспора ахаҭарнак, акыр шықәса раахыс зҭоурыхтә ҧсадгьыл аҟны инхо Рыдуан Агрба диит, дааӡеит Инегиоль араион иаҵанакуа аҧсуа қыҭа Мезиҭ. Уи иқәлацәа реиҧш, ихьааигеит Қырҭтәыла Аҳәынҭсовет ар Аҧсны иақәлеит, аибашьра ҵысит ҳәа аниаҳа. 1992 ш. август 25 рзы Аҧсадгьыл ахьчаразы Ҭырқәтәылантә хатәгәаҧхарала Аҧсныҟа иааз 33-ҩык еидызкылоз раҧхьатәи агәыҧ дрылан Рыдуан. Аҧхьа Шәача иааит, уантә аидарамҩангага аҕбала Гәдоуҭанӡа иааӡеит.

Ауҩы иҧсҭазаараҿы иалихуа азанааҭ аҟны ақәҿиарақәа иоуырц азы, аҭахра адагьы ҧсабарала уи дазҳәазароуп. Исҭахуп, исгәаҧхоит мацарала иарбан занааҭзаалакгьы алҵшәа аиуӡом, аҧсуаа ҳҟны ишырҳәо еиҧш, Анцәа иуылаиҵозарауп. Иахьа зыӡбахә шәҳардырырц иаҳҭаху ауаҩы гәыла-ҧсыла, ҧсабарала лзанааҭ дазшаны Анцәа адәы дықәиҵеит. Азанааҭқәа зегьы хадоуп, аха еиҳа ихадоу рахь иаҵанакуа иреиуоуп арҵаҩра. Избанзар, арҵаҩы инапы иануп аҧхьаҟа иҕәҕәаҟацаӡа зыуаажәлар ирылагылаша ауаҩы иааӡара.

Есышықәса Аҧсны Асахьаҭыхҩцәа Реидгыла имҩаҧнагоит ҭагалан иазку аҭыхымҭақәа рцәыргақәҵа. Ҳазну ашықәс азы ари ацәыргақәҵа азырхиан Аиааира ду 29-шықәса ахыҵра аламҭалазы. Аҟәа ацәыргақәҵатә зал ахь иааргеит еиуеиҧшым абиҧарақәа ирыҵаркуа асахьаҭыхҩцәа раҧҵамҭақәа. Убарҭ иреиуоуп Виссарион Ҵәыџьба, Заур Мықәба, Амиран Адлеиба, Валери Багаҭелиа, Диана Хынҭәба, Саид Возба, Сасун Торосиан, Асҭанда Адлеиба, Ҟәараса Черқьезиа.