Аԥсныпресс. Аслан Бжьаниа усуратә визитла Беларус даҭааит жәабранмза 20, ашәахьа. Аҩаша, жәабранмза 21 рзы Минск ақалақь, Ахьыԥшымра Ахан аҟны Аԥсны Аҳәынҭқарра Ахада Аслан Бжьаниеи Беларусиа Ахада Алеқсандр Лукашенкои реиԥылара мҩаԥысит. Иара убас, аиԥылара далахәын Аԥсны адәныҟатәи аусқәа рминистр Инал Арӡынба.

Аҧсуа сахьаркыратә литература ашьаҭаркҩы, Аҧсны жәлар рпоет Дырмит Иасыф-иҧа Гәлиа имшира аҽны – февраль 21 рзы Аҟәа ақалақь аҟны инышә дахьамадоу игылоу ибаҟа амҵан ашәҭқәа шьҭаҵан.

Аестрадатә шәаҳәаҩы, Аҧсны жәлар рартист, Д.И. Гәлиа ихьӡ зху Аҳәынҭқарратә премиа занашьоу Лиудмила Гәымба ахәаҧшцәа дырдыруеижьҭеи шьарда ҵуеит. Мшаҽнеиҧш, ишьҭылкааз аҟазара абзиабара лыцуп.