Ҳажәлар ҵәымаҕҵас ргәаҵа иалалаз аибашьра анцоз, аҕа ихымҭа иаҿагылан зықьҩыла Аҧсны аҧацәеи аҧҳацәеи.

Аамҭа ашьаҿақәа уамашәа иццакны иҟанаҵоит, иаҧсахуеит адунеи ахаҿра, иаланагалоит аҿыцрақәа. Есааира ауаа рыҧсҭазаара зырманшәало аҭагылазаашьа ҿыцқәа аҧырҵоит.

Урыстәылеи Аҧсни иналукааша руаажәларра-политикатә усзуҩы, аиуристтә ҭҵаарадыррақәа рдоктор, Урыстәылатәи Афедерациа зҽаҧсазтәыз аиурист, Д.И. Гәлиа ихьӡ зху Аҧсны Аҳәынҭқарратә премиеи «Ахьӡ-Аҧша» аорден актәи аҩаӡареи занашьаз, Жәларбжьаратәи Адыгатә академиа налаҵаны ауаажәларратә академиақәа ааба рлахәыла Тарас Мирон-иҧа Шамба диижьҭеи 85 шықәса ҵит.