Рашәарамза 28 рзы Аҟәа ақалақь аҿы анаркотикқәа рыдкылареи изакәанымкәа анаркотикатә маҭәашьарқәа реиҭарсреи рҿагылара  Жәларбжьаратәи Амш азгәаҭара инамаданы, Аҟәа имҩаԥгахеит ареспубликатә акциа «Аҿар анаркотикқәа ирҿагылоит». Акциа амҩаԥгара азԥхьагәаҭан рашәарамза 26 рзы, аха аобиективтә мзызқәа ирыхҟьаны, уи егьи амш ахь ииагахеит ҳәа адырра ҟанаҵоит аҿари аспорти русқәа рзы Аҳәынҭқарратә еилакы апресс-маҵзура.

Гал ақалақь апарк хада аҟны аиҭашьақәыргыларатә усурақәа цоит. Абар уажәшьҭа 30 шықәса иреиҳауп ари апарк аҟны акапиталтә ремонт ҟарымҵеижьҭеи. Хымҧада, апарк напы адкыланы ирыман, идыргылон атәарҭа ҿыцқәа, иблыз алашарақәа рыҧсахуан, аха уи азхомызт. Иахьазы апарк шьаҭанкыла аиҭашьақәыргылара иаҿуп. Зегьы раҧхьа иргыланы иҧсахын аӡцарҭақәа. Уи Асовет Еидгыла ахаан иҟарҵаз акәын.

Абасеиԥш рзуҳәар алшоит Аԥсны аибашьра ианалагылаз (1992-1993 шш.) иҩыз асалам шәҟәқәа. Урҭ аԥырҵон, аибашьра иалагылаз ҳфырхацәа рхәыҷқәа, рҩызцәа, рҭаацәа, мрагылареи, мраҭашәареи ҳажәлар еиҟәыгаз, изеиҭанамиааиуаз  асалам шәҟәқәа цҳас ирыбжьан, гә́ырӷәӷәагас  ирыман. Абарҭ асалам шәҟәқәа рышьҭра дхыланы, ҿыц аԥсы ахалҵеит еицырдыруа ажурналсит, аибашьра зегьы зкамера кны ҳфырхацәа  ирыцалсыз, ааԥсара ззымдыруа Екатерина Гьаргь-иԥҳа Бебиа.

Аԥсуа Ҳәынҭқарратә Аҿар Ртеатр ҟазарала иқәдыргылеит асерб драматург Б.Нушич икомедиа «Лхаҵкы аминистр иԥҳәыс» Арежиссиор, Аԥсны зҽаԥсазтәыз акультура аусзуҩы Есма Џьениа. Асценографиа Анри Дочиа, акостиумқәа – Ольга Загорскаиа.

Адыгаа рҿаԥыцтә ҳәамҭаҿы иҟоуп ашәак: ашәаҳәаҩ Баҭу имаҭа хаҵа дишьҭырц игәы иҭаикуеит, аха хаҵас илзыеиқәыиԥхьаӡо рыҟнытә аӡәгьы длаҭәалшьом. Аха ашәа иҳазцәырнаго аҭоурых актәи аамҭа ауп. Ари ашәа аԥҵара мзызҵәҟьас иамаз даҽакуп –  Баҭу “Ишсыхәҭоу еиԥш пату сықәырҵаӡом” ҳәа иӡбан, иқыҭауаа ԥыҭҩык рзы игәыԥжәара ашәаны ицәыригеит.

Узбеқьисҭан атәылауаҩ изакәанымкәа анаркотикқәа реиҭарсразы 15 шықәса аҭакрала ахьырхәра иқәырҵеит.

Иван Кортуа ихьӡ зху арҿиаратә центр ахыбраҿы имҩаҧысит ахыҭхәыц-абардашәа аҧҵаҩцәа 2023 шықәсазтәи рфестиваль.

Ачымазаҩ ихәшәтәраҿы, ҳәарада, аҳақьым иус хадоуп, аха аҳақьым идҵақәа уи даныҟам аамҭазгьы еиламырцҳакәан  иназыгӡо амедиаҳәшьцәа русура иацуп аҭакҧхықәреи аџьабааи.

Рашәарамза жәаф рзы Очамыра ақалақь аҿы иаадыртит амшын аԥшаҳәа иаԥну, жәаф еихагыла иҟоу аԥсшьарҭатә ҩны «Амшынеиқәа абырлаш». Уи аусура алагара хҭыс духеит ақалақь аҿы инхо мацара рзы акәымкәа, иара араион ауааԥсыра рзыҳәангьы.

Аԥсныпресс. Аԥсны адәныҟатәи аусқәа рминистр Инал Арӡынба Санкт-Петербург ақалақь иреиҳаӡоу аҵараиурҭақәа рҿы аҵара зҵо, ахәҭакахьала, аплатформа «Аԥсны аԥеиԥш» ацхыраарала иҭалаз астудентцәа дырԥылеит.

Аԥсны Аҳәынҭқарра Ахада Аслан Бжьаниа амедицинатә усзуҩцәа рзанааҭтә ныҳәа рыдиныҳәалеит.

Рашәарамза 16, Аԥсныпресс. Урыстәыла аекономикатә ҿиара аминистри Аԥсны Аԥыза-министр ихаҭыԥуаҩ, аекономика аминистр Кристина Озгани Петербургтәи жәларбжьаратәи аекономикатә Форум аҳәаақәа ирҭагӡаны В.Г. Арӡынба ихьӡ зху Жәларбжьаратәи аҳаирбаӷәаза «Аҟәа» аиҭашьақәыргыларазы Аиқәшаҳаҭра рнапы аҵарҩит.