Аурыс бызшәа аметодика ддырҵалоит Армавиртәи аҳәынҭқарратә арҵаҩратә университет арҵаҩцәа. Апроцесс иадыҧхьалахоит аҭыҧантәи аҟазауаагьы. Ацентр – аурыс бызшәа аҵара, ажәа акультура, абызшәа атрадициақәа уҳәа рахархәаразы апрограммақәа раларҵәара мҩаҧнагалоит.

«Ацентр хықәкыс иамоуп цәыббра 15 инаркны акультурарккаратә уснагӡатәқәа хҧеи апрограммақәа фбеи аусура раларгара. Ацентр аҿы аурыс бызшәа ддырҵалоит: арҵаҩцәа, аҵаҩцәа, астудентцәа. Амеханизмқәа аус рыдырулалоит. Аха макьаназы аиҿкааратә усқәа мҩаҧысуеит. Ус хаданы иқәгылоуп, хымз рыҩнуҵҟа 300-ҩык абызшәа дырҵара. Гал араион, егьырҭ араионқәа иреиҧшым. Аҭыҧантәи ауааҧсыра Аҧсны ахәҭа хада иацәхьакуп. Уа аурыс бызшәазы иҟоу ауадаҩрақәа ирыдҳәалоуп. Ҳцентр аусура урҭ раҧыхроуп изызку. Наҟ-наҟ иазҧхьагәаҭоуп ацентр аҿы аҧсуа бызшәа аурокқәа, иара убасгьы IT-технологиақәа русхк азы акурсқәа раартра», – иҳәеит Ацентр анапхгаҩы Игор Басов.

Саида Ҳаразиаҧҳа,

ААУ афилологиатә факультет ажурналистика аҟәша актәи акурс астудент