Ҩ-ганктәи аусеицура хра злоу азҵаарақәа рылацәажәара аан аҳәынҭқаррақәа рхадацәа иазгәарҭеит аусеицура аҩаӡара шыҳараку, иагьышьақәдырӷәӷәеит уи ҳаԥхьаҟагьы арӷәӷәара ишазҿлымҳау.
Хшыҩзышьҭра ҷыда рзыҟаҵан ахәаахәҭра-економикатә усхк аганахьала ҩ-ганктәи аусеицура, аинфраструктуратә проектқәа рынагӡара. Аицәажәара аҵаки алҵшәа бзиеи аман.
Аицәажәара аан Аслан Бжьаниа Владимир Путин иахь ааԥхьара ҟаиҵеит ахьыԥшымра жәларбжьаратәи азхаҵара 15 шықәса ахыҵреи Аԥсны Аҳәынҭқарра Аиааиреи Ахьыԥшымреи 30 шықәса рхыҵреи ирызку аусмҩаԥгатәқәа ихы рылаирхәразы Аԥсны даҭаарц.
