Ахәыҷбаҳча аргыларазы араион Ахадара иазоунажьит 58 млн. мааҭ. «Ахәыҷбаҳча асовет аамҭақәа раангьы аус ауан. Араҟа аа-гәыԥк ыҟан. Уажәы уа шьаҭанкыла аремонт мҩаԥысуеит. Гәынԥҳа лажәақәа рыла, ари ахыбра иавадыргылоит аизарҭатә зали ахәыҟаҵарҭеи», – лҳәеит лара. Ари ахәыҷбаҳча ааигәа игылоу ахәыҷбаҳча "Мрамза" афилиал аҳасаб ала аус аулоит.
«Ари Гагра ауааԥсыра рзы ихҭыс бзиоуп. Иааиуа ашықәс алагамҭазы ахәыҷбаҳча ԥшьгәыԥк рҟынӡа адкылара иазхиахоит. Уи 80-100-ҩык рҟынӡа ахәыҷқәа рыла еиҿкаахо агәыԥқәа роуп», – ҳәа адырра ҟалҵеит Хана Гәынба. Зынӡа иахьазы Гагра араион аҿы ахәыҷбаҳчақәа фба аус руеит.
