Аконгресс Женева ақалақь (Швеицариа), жәларбжьаратәи ахәаахәҭра-цәыргақәҵатә центр «Palexpo» аҿы имҩаԥысуеит. Иахьа имариам агеополитикатә ҭагылазаашьа шыҟоугьы, Аԥсны Ахәаахәҭра-ааглыхратә палата абар хәынтәуп Адунеизегьтәи аконгресс аҿы ҳреспубликеи Аԥснытәи абизнес еилазаареи аинтересқәа рӡыргара мҩаԥго, ари аусмҩаԥгатә иалахәхоижьҭеи, – ҳәа адырра ҟаҵоуп Аԥсны Аҳәынҭқарра Ахәаахәҭра-ааглыхратә палата асаит аҿы.
Аконгресс аусура актәи амш азы Аԥсны Ахәаахәҭра-ааглыхратә Палата апрезидент Женеватәи ахәааахәҭреи ааглыхреи рмаҵзурақәа рпалата апрезидент Винсент Сибилиа, иара убас Македониа, Индонезиа, Сербиа, Мексика, Лондони Турини рыхәхаахәҭра-ааглыхратә палатақәа рҟынтәи лколлегацәеи Израили Дубаи Рыхәҳаахәҭра-ааглыхратә палатақәа рыпрезидентцәеи дырԥылеит. Аԥсны Ахәаахәҭра-ааглыхратә палата аиҳабы Ҭамила Мырцхәлаа длыцуп Аԥсны Ахәаахәҭраааглыхратә палата адәныҟатәи аимадарақәеи аинвестициақәеи Русбарҭа анапхгаҩы Наала Басариа.
