Апрограмма аофициалла ахацыркра ҟалаанӡа 44 – 46-ҩык рҟынӡа иҟоу раԥхьатәи атуристцәа ргәыԥ раара аиҿкаара азԥхьагәаҭоуп. Асеиԥш аӡбамҭа рыдыркылеит Башкириа Ахада Иусбарҭа аҟны рашәарамза 3 азы атуристтә усхк аҿиара иазкны имҩаԥысыз аусуратә еилатәараҿы.
Аусдкылареи атуризми рминистр Рустем Афзалов иажәақәа рыла, апрограмма иалагалоуп аанҿасра, акрыфара, аԥгаԥса. Уи иҟаиҵаз адыррақәа рыла, Башкириатәи атуристтә операторцәеи Аԥснытәи рҩызцәеи хәахахәымш ирҭагӡоу амҩақәҵага еиқәдыршәеит. Уфа ақалақьи Шәачеи рыбжьара ишиашоу авиареисқәа ахьыҟоу апроект анагӡара акыр иармариоит. Абилеҭ ахәԥса – 14-15 нызқь мааҭ рҟынӡа инаӡоит. Иааизакны, ари аныҟәара аԥсшьаҩы 30 нызқь мааҭ рҟынӡа изтәоит. Ареспублика Ахада Ради Хабиров раԥхьа аԥышәаратә тур аиҿкааразы ажәалагала ҟаиҵеит. «Аԥсны – ҳара ҳпартниор ауп, уаҟа ҳауаажәлар рзы аинтерес зҵоу, ирбашаираҳаша маҷымкәа иҟоуп. Зны гәыԥк дәықәҵатәуп, анаҩс урҭ ргәаанагара ҳасаб азуны апроект ацҵара ҳалацәажәоит», – иҳәеит Ради Хабиров.
