Ахәҭакахьала, уаҟа иазгәаҭоуп:

«Ҳаҭыр зқәу Саида Рушьни-иԥҳа!

Аԥсны анапхгара рыхьӡала, хаҭала сара сыхьӡала Шәара, аус зуа, ԥхьатәара иҟоу зегьы, аусӡбарҭақәа раппаратқәа русзуҩцәа, рветеранцәа ишәыдысныҳәалоит 100 шықәса ахыҵра! Ари азеиԥш иурисдикциа аусӡбарҭақәа рзы мацара акәымкәа, Аԥсны амчра аусбарҭақәа зегьы рзы иналукааша рыцхуп.

1923 шықәса маи 13 азы ССР Аԥсны Ацентртә Анагӡаратә Комитет Ақәҵарала ишьақәырӷәӷәаз Асоветтә Социалисттә Республика Аԥсны аусӡбарҭақәа реиҿкааразы аԥҟара ҳреспублика аусӡбаратә система ауасхыр шьҭанаҵеит. Азеиԥш иурисдикциа аусӡбарҭақәа қәҿиарала иҿион Аԥсны аҿиара аҭоурыхтә мҩаҿы егьырҭ аполитикатә, асоциалтә, аекономикатә институтқәа инарываргыланы. Аԥсны ҳаамҭазтәи аконституциатә еиҿкаашьаҿы аусӡбаратә мчра аҳәынҭқарра акырӡа зҵазккуа ашьаҭақәа ируакуп. Аԥсны аҳәынҭқарра азеиԥш иурисдикциа аусӡбарҭақәа анеиҿыркаа инаркны ауаажәлари аҳәынҭқарреи ринтересқәа, атәылауаа рзинқәа, рхақәиҭрақәа рыхьчара иазкны хырҳарала аусура мҩаԥыргоит, азакәан амч аԥхьа иргыланы. Аԥсны Аҳәынҭқарра арҿиара ҳазну аамҭазы хахаҵәҟьа иахьԥшуп амчра зхала иҟоу, ихьыԥшым махәҭак аҳасабала аусӡбарҭақәа русура.

Аԥсны аусӡбарҭақәа аҭакԥхықәра ҷыда рыжәҩахыр иқәуп, избанзар ӷәӷәала иҿиоит аинформациатә еилазаара, насгьы аиашара апринцип ахаҭа ҳәынҭқарратәла ахьчара аусӡбарҭақәа занааҭдыррала есымшатәи русура хаха иахьԥшуп. Хьыӡҳәала аусӡбарҭақәа реилазаара ахаҭәаара, азеиԥш иурисдикциа аусӡбарҭақәа налаҵаны, уи мҩаԥыслароуп азанааҭтә, аморалтә стандартқәа инхьамырнааӡакәа инарықәыршәаны.

Акыр иаԥсоу Аԥсны азеиԥш иурисдикциа аусӡбарҭақәа русзуҩцәа, абри аныҳәа аҽны гәык-ԥсыкала ишәзеиӷьасшьоит агәабзиара, ахақәкыхырхарҭара, агәамч, азакәан амаҵзураҿы ақәҿиараҿ ыцқәа!»