Харитон Агрба изы апрофессионалтә ринг аҿы ари 12-тәи иааироуп. Харитон Агрба – жәларбжьаратәи акласс аспорт азҟаза, абокс азы адунеи Ахраҿа араӡнытә аԥхьахәгаҩ, Европатәи ахәмаррақәа араӡнытә аԥхьахәгаҩы, Урыстәыла ачемпионатқәа ҩынтәтәи аԥхьахәгаҩы, астудентцәа рыбжьара абокс азы адунеи ҩынтәтәи ачемпион, WBA Fedecaribe, WBA Continental, IBF European, Евразиатәи абокстә апарламент атитулқәа змоу, «Интерконтинентальный кубок» ҳәа аҳамҭа манашьоуп.
Харитон Агрба 2019 шықәса инаркны 12 еиндаҭлара мҩаԥигеит, урҭ зегьы рҿы аиааирақәа игеит.
