Сгәы иаанагоит, ишьаҭарку атрадициа бзиақәа ирыцҵахоит ҳәа. Апалата есқьынгьы азакәанреи, аргамареи, аҭакԥхықәра дуи ҟазшьа ҷыданы иаман».  ­Ашәба Лаша Аршба Роберт Аԥсны Аҳәынҭқарра азакәанԥҵара аҿиараҟны илагаламҭазы Аԥсны Жәлар Реизара – Апарламент Аҳаҭыртә шәҟәы ианеишьеит. Аршба Роберт иҭабуп ҳәа ахиҳәааит ирҭаз азҿлымҳаразы:

Аколлектив анапхгаҩы ҿыц ддырдыруа, Ашәба Лаша Каха Пертаиа идиныҳәалеит аҭакԥхықәра зцу аҳәынҭқарратә маҵзурахьы иалхра. «Каха Заур-иԥа даадыруеит аҭакԥхықәра ныҟәызго, асистематә хәыцра змоу аӡә иаҳасабала. Агәра згоит аколлективи шәареи иақәнагоу аизыҟазаашьақәа шәыбжьашәҵап ҳәа. Аколлектив профессионалтәуп, аихьӡарақәа жәпакы амоуп, урҭ аихьӡарақәа реихаҳара аилыршахоит ҳәа сгәы иаанагоит», – иҳәеит Лаша Ашәба. Каха Пертаиа Апарламент Аиҳаби адепутатцәеи ирҭаз агәрагаразы иҭабуп ҳәа раҳәаны, иазгәеиҭеит Агәаҭаратә палата аҳәынҭқарра ашьақәгылареи аҿиареи рҟны иамоу аҵак ду. Мшаԥымза 19 рзы Аԥсны Жәлар Реизара – Апарламент аилатәараҟны адепутатцәа Каха пертаиа Аԥсны Аҳәынҭқарра Агәаҭаратә палата ахантәаҩыс далырхит.