Аԥсныпресс. Аԥсны агәабзиарахьчара аминистр Едуард Быҭәбеи Актәи Аԥснытәи амедицинатә форум аҽалархәразы арахь иааз Урыстәылатәи аҳақьымцәа рделегациа алахәылацәеи аҳҭны-қалақь Ахьӡ-Аԥша апарк аҿы Афырхацәа рбаҟа амҵан ашәҭ шьыҵәрақәа шьҭарҵеит.
Иара убас акциа алахәылацәа ари апарк аҿы збиустқәа ықәыргылоу аԥсуа ар рԥызацәа – Аԥсны Афырхаҵа Сергеи Дбари Аԥсны Афырхаҵа Султан Сосналиеви ҳаҭырла иргәаладыршәеит.
Ашәҭ шьыҵәрақәа рышьҭаҵара рхы аладырхәит Урыстәылатәи академикцәа, апрофессорцәа, амедицинатә наукақәа ркандидатцәа, аҳақьымцәа, агәабзиарахьчара Аминистрра аусзуҩцәа, Аԥснытәи Урыстәылатәи амедицинатә еилазаара ахаҭарнакцәа.
Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
«Апснымедиа» адиректор хада: Џьопуа Р.Р.
Аҭел: +7 (840) 226-89-89
Аелектронтә адрес: apsnymedia@gmail.com
