Уи ишазгәеиҭаз ала, хәажәкырамза 1, 2023 шықәсазы ашәҟәҭагалара иахысыз атәанчаҩцәа рхыԥхьаӡара 49573-ҩык рҟынӡа инаӡеит. Зынӡа мшаԥымза 13 аҟынӡа аиҭашәҟәҭаҩра иахысит 30889-ҩык. Аиҳарак атәанчаҩцәа Аҟәа ақалақь аҿы ауп иахьынхо.

«Аҟәа ақалақь аҿы инхо­ит 11457-ҩык атәанчаҩцәа, урҭ рахьынтә иахьазы аиҭашәҟәҭаҩра иахысит 6609, мамзаргьы даҽакала иуҳәозар, 57,7%. Аҩбатәи аҭыԥ аҿы иҟоуп Гагра араион, араҟа иҟоуп 7 848-ҩык атәанчаҩцәа, урҭ рахьынтә аиҭашәҟәҭаҩра иахысит 5 628-ҩык, мамзаргьы даҽакала иуҳәозар, 71,7%», – ҳәа иҳәеит иара.

Гәдоуҭа араион аҿы инхо­ит 7976-ҩык атәанчаҩцәа, урҭ рахьынтә аиҭашәҟәҭаҩра иа­хысит 5486-ҩык (68,8%). Аҟәа араион аҿы иҟоуп 2570-ҩык атәанчаҩцәа, урҭ рахьынтә аиҭашәҟәҭаҩра иахысит 1912- ҩык (74,4%). Гәылрыԥшь араион аҿы инхо 3430-ҩык атәанчаҩцәа рахьынтә аиҭашәҟәҭаҩра иа­хысит 2259-ҩык (65,9%). Очам­чыра араион аҿы инхоит 5533- ҩык атәанчаҩцәа, урҭ рахьынтә аиҭашәҟәҭаҩра иахысит 3356- ҩык (60,7%). Тҟәарчал араион аҿы инхоит 4403-ҩык атәанчаҩцәа. Урҭ рахьынтә аиҭашәҟәҭаҩра иа­хысит 2639-ҩык (59,9%); Гал ара­ион аҿы инхо 6356-ҩык атәанчаҩцәа рҟынтәи аиҭашәҟәҭаҩра иахысит 3000-ҩык (47,2%).

А и ҭ а ш ә ҟ ә ҭ а ҩ р а а х ы қ ә к ы хада акәны иҟоуп – ареспу­блика асоциалтә еиқәыршәара аҟәшақәа рҿы ашәҟәы иҭагалоу атәанчаҩцәа рхыԥхьаӡара цқьа аилкаареи ашьақәырӷәӷәареи, иара убас зыԥсҭазаара иалҵхьоу, аха убри аан уи азы адыррақәа ашәҟәы иҭагаламкәа иаанханы иҟоу атәанчаҩцәеи атәанчаҩратә еиқәыршәара алзмыршо егьырҭ ахҭысқәа раарԥшреи. Аиҭашәҟәҭаҩра иахымсыз атәанчаҩцәа атәанчахәы аиуразы асиақәа ир­ныххоит. Ианаамҭоу уи иахымсыз атәанчаҩцәа ртәанчахәы анаан­кылаз амш инаркны ирызшәахоит. Иарбоу аҿҳәара анаҩс ашәатәқәа мҩаԥгахоит атәанчаҩы хаҭала арзаҳал аналеиҵа ашьҭахь. Ашәҟәҭагалара анаҩс асоциалтә еиқыршәареи адемографиатә по­литикеи Рминистрра Аминистрцәа Реилазаарахь уи алҵшәақәа рзы адыррақәа нанашьҭуеит. Ақәҵара анагӡаразы ахылаԥшра идҵоуп аԥыза-министр ихаҭыԥуаҩ Сергеи Пустовалов.