Аҧсны ахы-аҵыхәа зегьы, мшаҧымза фба шьыжь­наҵы Лыхнашҭа ауаа еизауан. Мша­ҧымза хәба рзы (инықәы­рҧшны) асааҭ ааба реиҧш, Лыхнашҭа игылаз, Аҭәаҵла ду иаакәыршаны иҧырҟеит. Ажәлар зеихы­рхәоз, изымҵа­ныҳәоз, аӡыбларақәа ирхааныз здаци зҧашәи, ыҵызхырц зхы иҭашәада?! Изгәаҕьыда?!

Ацәгьара ҟазҵаз Аҭәаҵда Ду алашьцара иҽалак ихҵәага абжьы ақыҭа иалаҩуан. Ааигәа инхоз еицҿак иазгәарҭон: – Акраамҭа абжьы гон, аха Лыхны аусҳәарҭа аусуцәа шьыжьнаҵы ашҭеи аандеи иакәшаны идрыцқьон, идыр­ҿыцуан… Згәы иаанагодаз, зхы иҭашәодаз, Аҭәаҵла Ду абас иазныҟәоит ҳәа.

Ацәгьара ахьыҟалаз Аҧсны анапхгара, аҵарауаа, аекологцәа, ауаажәларра еизеит. Иара убас аихаҳацәа. Урҭ зегьы рыхшҩи рдырреи еиларҵеит. Гәыҕрақәак ыҟоуп аиқәыр­харазы. Аҧсны Ахадареи, Аҧсны аныхақәа рхаҭар­накцәеи ацәгьоуцәа рыҧшаареи урҭ ҳҭоурых ианымҵуа ашәахсҭа ианырҵази иалацәажәеит. Алкаагьы ҟарҵеит.

Уи ашҭа ҧшьа иқәҭәахьоу алаҕырӡи, ажәлар рымчи, рдоуҳаи ирзымхәы­цкәан ацәгьара аҟаҵара згәа­ҕьыз, иара ашҭа иамоу амчи адоуҳаи дцәы­рнагоит.