Адныҳәалараҟны иазгәаҭоуп:
«Ҳаҭыр зқәу Аслан Гьаргь-иԥа, гәык-ԥсык ала ишәыдысныҳәалоит 60 шықәса шәхыҵра амш. Урыстәыла Шәара шәырдыруеит ҳтәылақәа рыбжьара аидгыларатәи астратегиатәи усеицура арӷәӷәара иадгылоу иаҳасабала. Сгәы иаанагоит, Урыстәылеи Аԥсни рыжәларқәа реизҳазыӷьара ахьӡала аҵшәа змоу ҳусеицура аԥхьаҟагьы иацҵахоит ҳәа. Ишәзеиӷьасшьоит агәабзиара, аҳәынҭқарратә усураҟны аихьӡарақәа, ахирра!».
* * *
Аԥсны Жәлар Реизара – Апарламент Аиҳабы Ашәба Лаша Аԥсны Ахада Аслан Бжьаниа Иирамш идиныҳәлеит:
Адныҳәалараҟны, ҷыдала, иарбоуп: «Ҳаҭыр зқәу Аслан Гьаргь-иԥа! Аԥсны Жәлар Реизара – Апарламент ахьӡала, хаҭала сара сыхьӡала ишәыдысныҳәалоит 60 шықәса шәхыҵра амш! Иахьа Шәара аҳәынҭқарра напхгара ашәҭоит аԥсҭазааратә ԥышәа ду рҳаны. Аԥсны Аҳәынҭқарра Ахада имаҵзураҟны ишәыдгылоу шәҩызцәагьы Шәаргьы атәыла аекономикатә лшарамч, уи акультуратәи адоуҳатәи ҭынха рыҿиара гәацԥыҳәарала шәалахәуп. Шәара шәыпрофессионализм, ауаажәларра-политикатә, анапхгаратә усураҟны ишәымоу аԥышәа ду ҳтәыла аԥхьаҟагьы асоциал-економикатә ҿиара, жәларбжьаратәи апозициа арӷәӷәаразы ицхыраагӡа дуны иҟоуп. Аҳәынҭқарратә шәарҭадара амаҵзура Ахантәаҩы имаҵзураҟны шәусураан ҳреспублика аҳәынҭқарратәи амилаҭтәи шәарҭадара алыршара иазкыз иуадаҩыз азҵаарақәа рыӡбара шәнапы алакын. Аԥсны Жәлар Реизара – Апарламент VI ааԥхьара адепутат иаҳасабала Шәара шәлагаламҭа ареспублика азакәанԥҵара аиӷьтәра иазкын. Иахьа Аконституциа ахьчара знапы иану иаҳасабала Ахада имаҵзураҟны Аԥсны Аҳәынҭқарра асуверенитет, ахьыԥшымра, аҳәынҭқарратә акзаара аиқәырхаразы ауснагӡатәқәа мҩаԥыжәгоит. Ҳара ахә ҳаракны иаҳшьоит жәларбжьаратәи аимадарақәа рырҭбаара, атәылақәа рыбжьара аиашьаратә еизыҟазаашьақәа рырӷәӷәара аус аҟны шәлагаламҭа.
Ҳаҭыр зқәу Аслан Гьаргь-иԥа! Ишәзеиӷьасшьоит амилаҭтә интересқәа рыхьчара, жәларбжьаратәи аимадарақәа рырӷәӷәара иазку шәусураҟны аихьӡарақәа, агәабзиара, аманшәалара.
* * *
Урыстәылатәи Афедерациа Аиҳабыра Рхантәаҩы Михаил Мишустин Аԥсны Ахада Иирамш идиныҳәалеит:
Адныҳәалараҟны иҳәоуп: «Ҳаҭыр зқәу Аслан Гьаргь-иԥа, Урыстәылатәи Афедерациа Аиҳабыра рыхьӡала, хаҭала сара сыхьӡала ишәыдысныҳәалоит Шәирамш. Иазгәасҭарц сҭахуп хаҭалатәи шәлагаламҭа Урыстәылатәи Афедерациеи Аԥсны Аҳәынҭқарреи еимаздо аиҩызареи, астратегиатә усеицуреи, аидгылареи рырӷәӷәараҟны. Есааира иӷәӷәахоит ахәаахәҭра-економикатә, аҭҵаарадырра-техникатә, акультура-гуманитартә усхкқәа, аԥсҭазаара иаларҵәоуп еиуеиԥшым ахырхарҭақәа рыла еицаҳзеиԥшу апроектқәа. Агәра згоит ҳусеицуреи, арегионбжьаратә, аустә еимадарақәеи рырҭбаара Урыстәылатәи Афедерациеи Аԥсны Аҳәынҭқарреи ринтересқәа ишрықәшәо. Ҳаҭыр зқәу Аслан Гьаргь-иԥа, ишәзеиӷьасшьоит агәабзиара, аихьӡарақәа аҭакԥхықәра зцу шәусураҟны!».
***
Урыстәылатәи Афедерациа Афедералтә Еизара Афедерациа Ахеилак Ахантәаҩы Валентина Матвиенко:
«Ҳаҭыр зқәу Аслан Гьаргь-иԥа! Гәык-ԥсык алак ишәыдысныҳәалоит шәиубилеи. Урыстәылатәи Афедерациа Афедералтә Еизара Афедерациа Ахеилак зегьы еицҿакны иадгылоит Урыстәылеи Аԥсны Аҳәынҭқарреи рыбжьара аиҩызара.Сара агәра згоит, иахьа имариам жәларбжьаратәи аҭагылазаашьаҟны Урыстәылеи Аԥсни шеидгыло, ҳтәылақәа рыжәларқәа ирыбжьоу аиашьаратә еимадарақәа есааира рыҽшдырҭбаало, рыҽшдырӷәӷәало. Ҳаҭыр зқәу Аслан Гьаргь-иԥа, ишәзеиӷьасшьоит агәабзиара, аманшәалара Аԥсны Аҳәынҭқарра ахьӡала имҩаԥыжәго аусураҟны аихьӡарақәа».
***
Аԥсны Аҳәынҭқарраҟны иҟоу Аҷыдалкаатә зинмчы змоу Урыстәылатәи Афедерациа Ацҳаражәҳәаҩ Михаил Шургалин:
«Ҳаҭыр зқәу Аслан Гьаргь-иԥа! Гәык-ԥсык алак ишәыдысныҳәалоит Шәирамш. Аԥсны Ахада имаҵзураҟны Урыстәыла-Аԥснытәи аизыҟазаашьақәа рыҿиареи ҩ-гантәи аиҿцәажәарақәа рырӷәӷәареи рырҭбаареи рҿы Шәара хаҭала шәлагаламҭа дууп. Урыстәылатәи Афедерациа аидгылареи астратегиатә усеицуреи шьаҭас иҟаҵаны Урыстәылатәи Афедерациа аиашьаратә Аԥсны ганрацәалатәи ацхыраара иацнаҵоит уи жәларбжьаратәи апозициақәа рырӷәӷәараҟны, асоциалтә-економикатәи акультура-гуманитартәи ҿиараҟны, ашәарҭадареи асуверенитети реиқәырхареи рыҟны. Ҳаҭыр зқәу Аслан Гьаргь-иԥа, ишәзеиӷьасшьоит агәабзиара, анасыԥ, аихьӡарақәа аҭакԥхықәра зцу шәусураҟны!».
***
Урыстәылатәи Афедерациа Арра-ааглыхратә комиссиа Ахантәаҩы актәи ихаҭыԥуаҩ Дмитри Медведев:
«Ҳаҭыр зқәу Аслан Гьаргь-иԥа! Гәык-ԥсык алак ишәыдысныҳәалоит шәиубилеи. Ҳара ҳтәылаҟны ахә ҳаракны иршьоит аидгылареи астратегиатә усеицуреи рпринципқәа шьаҭас измоу Урыстәылатәи Афедерациеи Аԥсны Аҳәынҭқарреи ирыбжьоу наҟ-ааҟ еицырзыфеидоу ауеицура арҿиараҟны Шәара шәлагаламҭа. Ҳаҭыр зқәу Аслан Гьаргь-иԥа, ишәзеиӷьасшьоит агәабзиара, ахирра, аҳәынҭқарратә усураҟны аихьӡарақәа".
Адныҳәаларақәа ааит иара убас Урыстәылатәи Афедерациа Аиҳабыра Рхантәаҩы ихаҭыԥуаҩ, аекономикатә ҿиара аминистр Максим Решетников, Урыстәылатәи Афедерциа Ашәарҭадара Ахеилак Амаӡаныҟәгаҩ Николаи Патрушев, Урыстәылатәи Афедерциа Ашәарҭадара Ахеилак Амаӡаныҟәгаҩ актәи ихаҭыԥуаҩ Рашид Нургалиев, Аахыҵ-Уаԥстәыла Ахада Алан Гаглоев уҳәа аӡәырҩы рҟынтәи.
