Атәыла аҩнуҵҟатәи аусқәа рминистр Вальтер Быҭәба аконкурс «Ҳара анаркотикқәа ҳарҿагылоит» аҟны аиааира згаз аҳамҭақәа ранеишьеит. Аицлабрақәа ирылахәын Гәылрыԥшь, Гал араионқәа, Очамчыра, Тҟәарчал ақалақьқәа рҟынтәи абжьаратәи ашколқәа рҵаҩцәа. «Аконкурсқәа еиҿкаахеит ашколхәыҷқәа рзинтә дыррақәа рышьақәгылара, иара убас ақәыԥшцәа рыбжьара анаркотикатә маҭәашьарқәа рыдкылара аганахьала анегативтә зыҟазаара рылааӡара аҿар рыбжьара агәабзиара, еиҷаҳарыла азнеира хықәкыс иҟаҵаны», – ҳәа адырра ҟанаҵоит атәыла аҩнуҵҟатәи аусқәа Рминистрра апресс-маҵзура.
Агәырӷьаратә хәҭа ашьҭахь ашколхәыҷқәа ирзеиҭарҳәеит Аԥсны аҩнуҵҟатәи аусқәа Рминистрра аҭоурых, аусҳәарҭа аусзуҩцәа реихьӡарақәа, рлагалақәа ртәы, рмаҵуратә уалԥшьа анагӡара, Аԥсны жәлар Рџьынџьтәылатә еибашьра аан иҭахаз амилициа аусзуҩцәа рфырхаҵара атәы, иара убас амилициа аҿы аусура ахырхарҭа хадақәа деилдыркааит, аҩнуҵҟатәи аусқәа Рминистрра аҟәшақәак русушьа ддырбеит.
Аԥсныпресс
Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
«Апснымедиа» адиректор хада: Џьопуа Р.Р.
Аҭел: +7 (840) 226-89-89
Аелектронтә адрес: apsnymedia@gmail.com
