Арбагақәа шеиӷьхазгьы, Беслан Ҷкадуа иажәақәа рыла, «иҟоу аҭагылазаашьа уаанӡа еиԥш уажәгьы имариам, иарбоу ахырхарҭала анаҩсгьы аусура аҭахуп».
Аинспекторцәа рҿаԥхьа автомашьына арныҟәцаразы аршаҳаҭга амхрагьы уахь иналаҵаны, азинеилагаҩцәа рганахьала, азакәанԥҵара инақәыршәаны ахьырхәратә усмҩаԥгатәқәа рынагӡара хықәкыс иҟаҵаны, раԥхьатәи аилагарақәеи анаҩстәи аилагарақәеи релектронтә реестр излауала ахархәаразы адҵа ықәыргылан. Аилатәараҿы иара убас лассы-лассы амҩатә ԥҟарақәа еилазго амашьынарныҟәцаҩцәа рганахьала ахьырхәра хырԥашьа амамзаара апринцип ахархәара, акурорттә аамҭахәҭа аламҭалазы апассаџьырцәа рымҩангара аиҿкаара, Ареспубликатә мҩаду иахьаҵанакуа астационартә гәаҭарҭақәа русура арӷәӷәара уҳәа ирыдҳәалоу азҵаарақәа жәпакы ирылацәажәеит.
