Ареспубликатә ҳәынҭқарратә усҳәарҭа «Аҧснымедиа»
Аԥсныпресс. Гагра ақалақь азинхьчаратә усбарҭақәа ақалақь аҿы алақәа иреихсны рышьра иалахәыз ауаа реилкаара иаҿуп. «Ҳара ҳхаҭа даара ҳаршанхеит иҟалаз ахҭыс. Азинхьчаратә усбарҭақәа ари агәымбылџьбаратә хҭыс иалахәыз ауаа реилкааразы аусура мҩаԥыргоит. Иҟоу адыррақәа рыла, уи џьоукы хазхаҭала иаԥшьыргаз, анаҩс еиҿыркааз усуп. Ҳара иԥшәымадоу алақәа рпроблема аӡбаразы ас еиԥш аметод зынӡа ҳадгылаӡом», – ҳәа Апсныпресс акорреспондент иацы иҟалаз ахҭыс азы иҟаиҵаз азҵаара аҭак ҟаҵо, иҳәеит Гагра араион ахада актәи ихаҭыԥуаҩ Адамыр Ҵышәба.
Гагра ақалақь аҿы хара имгакәа хыҵакырҭада иаанхаз алақәа Гагра араион аҿы иҟоу агәыҳалалратә фонд «Багира» иатәу ахкыдкыларҭа «Топа» аҟны рнырхаразы аусура мҩаԥыргоит. «Уи азы инацҵаны иҿаҵан, иагьыҟаҵоуп аԥстәқәа рҭакырҭақәа иара убас иарбоу ахкыдкыларҭа ацхырааразы аусзуҩцәа ҳадаҳкылеит», – ҳәа иажәа инациҵеит Адамыр Ҵышәба.
Агазеҭ шьаҭаркуп 1919 ш. февраль 27 азы.
Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
«Апснымедиа» адиректор хада: Џьопуа Р.Р.
Аҭел: +7 840 226-89-89
