Аҭагылазаашьа ҷыдақәа рминистр Лев Кәыҵниа аҽазыҟаҵарақәа ахәшьара бзиа риҭеит, иагьазгәеиҭеит иҵегьы урҭ ишырзааҭгылахауа Аҟәа.

«Аҽазыҟаҵарақәа рымҩаԥгараан аҭыԥ рыман агхаԥхақәа, аха иуадаҩыз аҳауа аҭагылазаашьақәа ҳасаб рзуны, аиқәырхаҩцәа, аӡхәыҵалаҩцәа, апиротехникцәа, амедицина аусзуҩцәа уҳәа алҵшәа бзиақәа аадырԥшит», – иҳәеит аминистр.

Лев Кәыҵниа имҩаԥысыз аҽазыҟаҵарақәа даара хәарҭара рылоуп ҳәа рзиҳәеит.

«Ачымазара ҿкы иахҟьаны ҩышықәса абас еиԥш иҟоу аҽазыҟаҵарақәа мҩаԥаамгацызт, излаҳбаз ала, урҭ лассы-лассы имҩаԥгалатәуп», – иҳәеит иара.