Ицәырҵуа азҵаарақәа рыӡбараҿы Аԥсни Урыстәылеи рҳазалхратә маҵзурақәа русеицура иамоу аҵакы азгәаҭо, Алеқсандр Анқәаб Константин Козлов Аԥсны амчратә усбарҭақәа зегьы аҩганк рзы аинтерес зҵоу азҵаарақәа рыӡбараҿы ацхыраара аҭара ишазхиоу азы адырра ииҭеит. Урыстәылатәи Афедерациа афедералтә ҳазалхратә Маҵзура ахаҭарнак Аԥсны Аԥыза-министр иарбоу азҵаара аусуратә знеишьазы  иҭабуп ҳәа еиҳәеит.

МШАԤЫМЗА ИНАРКНЫ

Атуристтә дәыӷба «Шәача» мшаԥымза 29 инаркны 2023 шықәса цәыббрамза 30 ареисқәа нанагӡалоит. «Ари адәыӷба ҷыдаҟазшьаны иамоу авагонқәа ринтериер зегьы иҳаҩсыз ашәышықәса 70-80-тәи ашықәсқәа рстилистика иахьақәшәо ауп. Аԥсни Урыстәылеи ирыбжьоу аҳәынҭқарратә ҳәааҿы аҳәаахьчаратәи аҳазалхратәи апроцедурақәа зегьы ауаҩы дмыргәамҵкәа ирмарианы имҩаԥысуеит, амҩазы иазԥхьагәаҭоу аамҭа иахымԥаӡакәа аныҟәарагьы маншәаланы иҟалоит», – ҳәа  Урыстәылатәи Аихамҩақәа рпресс-маҵзура ашьаҭала адырра аланарҵәоит асаит https://sochinews.io.