Ареспубликатә ҳәынҭқарратә усҳәарҭа «Аҧснымедиа»
Асабша, ианвар 28 азы Очамчыра араион Тамшь ақыҭан имҩаҧган Аҧшьа Николаи Ассиррҿиаҩы (Чудотворец) ажәытәтәи иуахәама аҧшьара. Уи мҩаҧыргеит Аҧснытәи Ақьырсиан иашахаҵара аиҳабы аиереи Виссарион (Аҧлиаа), Аҧснытәи адинмаҵзура аҧшьаҩцәа. Ауахәамаҿы ашәа рҳәон Аҟәатәи акафедралтә уахәама ахор.
Ауахәама аиҭашьақәыргылара иаҿын хышықәса. Ахаҳә ҧҽыхақәа ирылхны ақыҭа уахәама ргылан Тамшь ақыҭа ииз-иааӡаз, иахьа Аҧсны Жәлар Реизара адепутатс иҟоу Резо Занҭариа иҟаиҵаз ацхыраареи адгылареи ирыбзоураны.
Аусмҩаҧгатә рхы алыдырхәт Аҧсны Ахада Аслан Бжьаниа иҧшәмеи иареи. Аҳәынҭқарра Ахада ауахәама ҳамҭас иаиҭеит Абиблиа.
Анцәаиҳәараҿы иҟан Тамшь ақыҭа иалҵыз, иара убас ауааҧсыра.
Агазеҭ шьаҭаркуп 1919 ш. февраль 27 азы.
Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
«Апснымедиа» адиректор хада: Џьопуа Р.Р.
Аҭел: +7 840 226-89-89
