«Ажәеи ашәеи» еиҿкаан аҧсуа поетцәа Баграт  Шьынқәба, Терент Ҷаниа, Лиолиа  Тәан-ҧҳа риубилеитә рыцхәқәа инарымаданы, ажәа азҟазацәа урҭ ражәеинраалақәа ирыҧхьон, ашколхәыҷқәа инарыгӡон амузыкахь ииагоу ашәақәа.

Ажәеинраалақәа ирыҧхьеит апоетцәа Вахтанг Аҧҳазоу, Анатоли Лагәлаа, Владимир Занҭариа, Гәында Кәыҵниа, Гәында Сақаниа, Заира Ҭҳаиҵыкә, Аинар Ҷыҭанаа, насгьы Владимир  Никонов, Саид Камкиа, Амира Ҧачлиа  уҳәа егьырҭгьы. Еизаз рҿаҧхьа дықәгылеит иара убас Амилаҭтә библиотека аиҳабы Борис Ҷолариа.

Ашәақәа нарыгӡон: Пицундатәи актәи абжьаратәи ашкол аҵаҩы Илона Хьециа, Аҟәатәи ажәабатәи абжьаратәи ашьхаруаа ршкол аҵаҩы Есениа Быҭәба, Очамчыра араион         Ҭхьынатәи абжьаратәи ашкол ашәаҳәаҩцәа ргәыҧ (анапхгаҩы – Н. Шьынқәба), Аҟәатәи афбатәи абжьаратәи ашкол аҵаҩы Акакь Кәыҵниа, Гәдоуҭа араион Абҕархықәтәи абжьаратәи ашкол ахор  (анапхгаҩы – Аҧсны зҽаҧсазтәыз артист Н. Чамагәуа).

Абасала, ажәеи ашәеи хеибарҭәаауан. Аусмҩаҧгатә ашҟа имҩахыҵыз зегьы агәалаҟара бзиа рзыннажьит.

В.Баалоу