«Ари амш хаҿра азнауеит Аҧсадгьыл ахь гәык-ҧсыкала абзиабара, иаанарҧшуеит еиуеиҧшым амилаҭқәа реилаҵәара, ракзаара.

Иахьа Урыстәыла зымҽхак ҭбаау ашәарҭарақәеи ихьанҭоу аҧышәарақәеи раамҭа иҭагылоуп, Урыстәыла милаҭ рацәала еилоу ажәлар зегьы ракзаареи реидгылареи роуп изылшо Урыстәыла ар рдоуҳа ашьҭыхра, атәыла анапхгара иқәдыргылауа ауснагӡатәқәа рҟынӡа анаӡара.

Аҧсны Аҳәынҭқарра адәныҟатәи аполитика ахырхарҭа хада акәны иҟан, иагьаанхоит Урыстәылатәи Афедерациа аиҩызаратә еизыҟазаашьақәа рырҕәҕәара», – иазгәаҭоуп адныҳәалараҿы.

Аҧсны Ахада Владимир Путин ҭабуп ҳәа иеиҳәеит Аҧсны асоциал-економикатә рҿиара азҵаарақәа, арегион аҟны ашәарҭадара арҕәҕәареи, ҩ-жәларык рыбжьара акультуратә, агуманитартә еимадарақәа рырҭбаареи рахь иҟаиҵо ахшыҩзышьҭразы.

Аслан Бжьаниа Урыстәылатәи Афедерациа Апрезиденти ауааҧсыра зегьи ирзеиҕьишьеит агәабзиара ҕәҕәа, аманшәалара, ажәҩан цқьа.