Аҧсны Ахада Аслан Бжьаниа дидикылеит аспортсмен Баҭал Чежиа. Уи далахәхахьеит абоқс азы Урыстәыла ачемпионат, аицлабраҿы аҧхьахә араӡны даҧсахеит. Урыстәыла ачемпион ихьӡ аиуразы Баҭал Чежиеи Максим Смирнови Москва еиқәшәеит, 79 килограмм зыкапан ыҟоу рыбжьара. Аиндаҭлара хыркәшан еиҭахарала. Аха аӡбаҩцәа анеилацәажәа ашьҭахь аҧыжәара зауз Баҭал араӡны даҧсахеит.
Аҧсны Ахада аспортсмен идиныҳәалеит иигаз аиааира, иаҧхьаҟазы ақәҿиарақәагьы изеиҕьеишьеит. Иабжьеигеит иаҧхьаҟа изыҧшу аиндаҭлара даара ибзианы иҽшазыҟаиҵаша. Декабр азы Урыстәыла ачемпион ихьӡ аиуразы ҩаҧхьа Москва дықәгылараны дыҟоуп.
Атәыла Ахада дақәиргәыҕит зегьрыла адгылара ширҭо азы. "Ҧхьаҟа ицалатәуп, иаиааилатәуп", – иҳәеит Аслан Бжьаниа.
Аспортсмен зыҟаҵаҩыс димоуп Алик Қарди-оглы. Аҵыхәтәан уи Аҳәынҭқарра Ахада иҭабуп ҳәа иеиҳәеит иааирҧшуа адгыларазы.
Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
«Апснымедиа» адиректор хада: Џьопуа Р.Р.
Аҭел: +7 (840) 226-89-89
Аелектронтә адрес: apsnymedia@gmail.com
