Сентиабр 12 азы Очамчыра ақалақь аҟны гәырҕьарала иаартын ахәыҷбаҳча "Аӡыхь", – иаанацҳауеит Аҧсныпресс.
Уи аартра иалахәын Аҧыза-министр ихаҭыҧуаҩ, аекономика аминистр Кристина Озган, аҵареи абызшәатә политикеи рминистр Инал Габлиа, Очамчыра араион ахадара аиҳабы Беслан Бигәаа.
Ахәыҷбаҳча "Аӡыхь" ргылан Аҧсны асоциал-економикатә рҿиара иазку аинвестициатә программа амалқәа рыла. Ахәыҷбаҳча аргылара нап аркын 2017 шықәса ииуль азы, ихыркәшахар акәын 2019 шықәса ҭагалан, аха ари ахыбра иамаз агха-ҧхақәа ирыхҟьаны ахархәарахь ирыҭамызт. Ҳазну аамҭазы аргылаҩцәеи араион ахадареи рҽазышәарақәа рыла аусурақәа зегь хыркәшан, ахархәарахь ирыҭан. Очамчыратәи ахәыҷқәа абаҳча аартра акыраамҭа иазыҧшын, ари агәырҕьара зҵаз ахҭыс азгәарҭеит ашәақәа, акәашарақәа рыла.
Аредактор хада: Ахра Анқәаб
Аҭел: 26-15-94 Адкыларҭа: 226-15-75
Аелектронтә адрес: apsnygazeta@mail.ru
«Апснымедиа» адиректор хада: Џьопуа Р.Р.
Аҭел: +7 (840) 226-89-89
Аелектронтә адрес: apsnymedia@gmail.com
