Ҳаҭыр зқәу Аҧсны атәылауаа! Шәара шәахь схы сырхоит "адгьыл аҭира" ҳәа изышьҭоу атема аганахьала ахыҭҳәаақәеи, алымҳаҭасқәеи, иаахтны амци ирхылҿиааз агәҭынчымра инамаданы.

Алымҳаҭасқәа изакәызаалак џьара акала ахҳәаа рзыҟаҵара сҭахымкәа, афактқәа рахь схы сырхоит.

Атәыла Азакәан Хада – Аҧсны Аҳәынҭқарра Аконституциа аҟны еилыхха иарбоуп: "Адгьыли егьырҭ аҧсабаратә ресурсқәеи ажәлар ирхатә малуп, Аҧсны аҳәынҭқарраҿы рхы иадырхәоит, ирыхьчоит иара атәылауаа рыҧсҭазаареи русуреи ирышьаҭаны". Абасала, Аҧсны адгьыл аҭира лацәажәашьа амам. Ари аҧҟара быцра ақәым, аиҭахәаҧшра ауам.

Аҧсны Аҳәынҭқарра Ахада Аконституциа анагӡара да-Гарантуп, аҳәынҭқарра Ахада иаҳасабала ҭакҧхықәра дула инасыгӡалоит Аҧсны Ахада имаҵура ҭыҧ аҿы исзалху аҿҳәара аҩнуҵҟала исыдҵоу ауалҧшьақәа.

А.Гь.Бжьаниа

Аҟәа, 2022 ш. сентиабр 1